СоғЛИҚни сақлаш вазирлиги

7.2. ДОРИ ВОСИТАЛАРИНИНГ СИФАТ СТАНДАРТЛАРИ 
Дори воситаси ишлаб чиқарилишидан то истеъмолгача бўлган даврда 
унинг сифатини таъминлаш ишларининг қатъий қўлланиши асосида дори 
воситаларининг сифат тахлил тизими ташкил этилади. ―Дори воситасининг 
сифати‖ тушунчаси унинг рўйхатга олиш (қайд этиш) босқичида тақдим 
этилган тавсиф ва кўрсаткичларга мослиги ва шунингдек, қайд этиш 
ҳужжатларида баѐн этилган барча хоссаларига мослиги билан белгиланади. 
―Сифатни таъминлаш‖ тушунчаси сифатсиз дориларни ишлаб 
чиқарилиши, сотилиши ва истеъмолига йўл қўймаслик, олдини олиш бўйича 
талаблар мажмуасини акс эттиради. ―Сифат назорати‖ тушунчаси барча 
босқичларда, яъни яратиш, ишлаб чиқариш, муомала ва истеъмол 
босқичларида маҳсулотнинг талабларга мос эмаслигини аниқлаш ва 
сифатини баҳолашга қаратилган. 
Дори воситалари сифатининг давлат стандартларини ишлаб чиқиш, 
расмийлаштириш, экспертиза ва рўйхатдан ўтказишнинг ягона тартибини 
белгилаш мақсадида ―Дори воситаларининг сифат стандарти. Асосий 
қоидалар‖ соҳа стандарти 2002 йилда тасдиқланган. Ушбу соха стандарти 
мамлакатда ишлаб чиқарилган тайѐр дори воситаларига тааллуқлидир. 
Дори воситаларининг сифат стандарти
– дори воситаларининг 
назорат усуллари ва меъѐрий кўрсаткичлари рўйҳатини ўз ичига олган 
меъѐрий ҳужжатдир. 
Дори воситаларига талабларни белгиловчи дори воситаларининг сифат 
стандартлари қуйидаги тоифаларга бўлинади: 
Дори воситалари сифатининг Давлат стандартлари 
Конкрет корхона дори воситасининг Корхона фармакопея мақоласи. 
Дори воситалари сифатининг Давлат стандартларига қуйидагилар 
киради: 
Умумий фармакопея мақоласи 
Вақтинча фармакопея мақоласи
Фармакопея мақоласи
Дори воситаларининг сифат стандартлари сифатли, самарали ва хавфсиз 
дори воситаларини яратиш ва ишлаб чиқарилишини таъминлаши лозим. 
Дори воситалари сифат стандартлари тиббиѐт, фармацевтика фанларининг 
янги ютуқларини ҳисобга олган ҳолда белгиланган муддатларда қайта кўриб 
чиқилади.