Bosqichlari Didaktika, uning asosiy kategoriyalari

---

Didaktika – pedagogik ta’lim nazariyasi. O’qitish jarayoni yaxlit 
tizim sifatida. 
Reja 
1.Ta’lim jarayoni, uning ikki tomonlama xususiyati, tuzilishi 
(bosqichlari) 
2.Didaktika, uning asosiy kategoriyalari 
3. Ta’lim qonuniyatlari va tamoyillari 
Har qanday jarayon – harakatdir, moddiy dunyodagi narsalar yoki 
hodisalarning asta-sekin o‘zgarishidir. O‘qitish jarayoni ham avlodda aqliy 
kuchlarni rivojlantirishga va ahloqiy sifatlarni shakllantirishga qaratilgan harakatdir. 
Bilish-ta’lim jarayonining metodologik asosidir. Bilish jarayoni kabi ta’lim 
jarayonida ham o‘quvchi bilmaslikdan bilishga, noto‘G‘ri va noaniq bilishdan 
tobora to‘liqroq va aniqroq, chuqurroq bilishgacha bo‘lgan yo‘lni bosib o‘tadi. Bu 
jarayonda hissiy idrok etish ham abstrakt tafakkur ham amalda sinab ko‘rish ham 
bo‘ladi.
Ta’lim – bilish faolliyatining turi sifatida pedagogika fanida bir necha asosiy 
ma’noni anglatadi. YA’ni bu: o‘quvchilarda bilim malaka va ko‘nikmalarni hosil 
qilish; o‘quvchilarni muayyan darajada o‘qimishli, madaniyatli, tarbiyali, har 
tomonlama etuk bo‘lishiga erishish; ularni qobiliyatlarini o‘stirishdan iborat.
Ta’lim-maxsus tayyorlangan kishilar o‘quv rahbarligida o‘tkaziladigan 
o‘quvchilarni bilim, ko‘nikma va malakalar bilan qurollantiradigan, bilim, 
qobiliyatlarini o‘stiradigan, ularni dunyoqarashini tarkib toptiradigan jarayondir. 
Ta’lim-insoniyat tarbiyasining ma’lum tomonlarini, ya’ni o‘quvchilar ijtimoiy 
taraqqiyotining hozirgi talablariga muvofiq darajada bilim va tarbiyaga ega 
bo‘lishlarini ta’minlaydigan faoliyatdir. 
Ta’lim jarayonining mazmunini bilim, ko‘nikma va malakalar tashkil etadi. 
Ta’lim jarayoni o‘qituvchi bilan o‘quvchilarning birgalikdagi faoliyati bo‘lib, ikki 
xarakterga egadir (1-chizmaga qarang). 
chizma