Toshkent davlat yuridik universiteti

Overdraft
– jismoniy shaxsning hisob-kitob hisobvarag‘idan qisqa 
muddatli kreditlashtirish.
Oilaviy korxona
– ishtirokchilari tomonidan tovarlar ishlab chiqarish 
(ishlar bajarish, xizmatlar ko‘rsatish) va realizatsiya qilishni amalga 
oshirish uchun ixtiyoriy asosda, oilaviy korxona ishtirokchilarining ulushli 

---

11 
yoki birgalikdagi mulkida bo‘lgan umumiy mol-mulk, shuningdek, oilaviy 
korxona ishtirokchilaridan har birining mol-mulki negizida tashkil 
etiladigan kichik tadbirkorlik subyekti. 
Pul majburiyati
– qarzdorning fuqarolik-huquqiy shartnomasi 
boʻyicha hamda qonun hujjatlarida nazarda tutilgan boshqa asoslarga ko‘ra 
kreditorga muayyan pul summasini to‘lash majburiyati.
 
Reimport
– ilgari bojxona hududidan olib chiqilgan tovarlar bojxona 
bojlari, soliqlar to‘lanmagan va iqtisodiy siyosat choralari qo‘llanilmagan 
holda Bojxona kodeksning 59-moddasida belgilangan muddatlarda 
bojxona hududiga qaytarib olib kirilishi. 
Reeksport
– chet el tovarlari bojxona hududidan olib chiqilishi. 
Sinditsiyalashtirilgan kreditlash
– yirik investitsiyaviy loyihalarni 
bir nechta banklar tomonidan birgalikda kreditlash.
Sud boshqaruvchisi (muvaqqat boshqaruvchi, sanatsiya qiluvchi 
boshqaruvchi, tashqi boshqaruvchi, tugatish boshqaruvchisi)
– 
bankrotlik taomillarini o‘tkazish maqsadida Iqtisodiy sud tomonidan 
tayinlanadigan shaxs. 
Sudgacha sanatsiya qilish
– qarzdor yuridik shaxsning muassislari 
(ishtirokchilari) yoki uning mol-mulki egalari, kreditorlar va boshqa 
shaxslar tomonidan qarzdorning to‘lov qobiliyatini tiklash hamda 
bankrotligining oldini olish maqsadida ko‘riladigan chora-tadbirlar. 
Sud sanatsiyasi
– Iqtisodiy sud tomonidan qarzdor yuridik shaxsga 
nisbatan uning to‘lov qobiliyatini tiklash hamda kreditorlar oldidagi 
qarzini uzish maqsadida qarzdorning ishlarini boshqarish vakolatlarini 
sanatsiya qiluvchi boshqaruvchiga o‘tkazmagan holda qo‘llaniladigan 
bankrotlik taomili.