Metodika uzbek 2018. indd

TEENS’ ENGLISH 6 DARSLIGINING O‘QITUVCHI UCHUN 
METODIK QO‘LLANMASI
O‘qituvchi uchun metodik qo‘llanma – Teens’ English 6 o‘quv-meto-
dik majmuasining  muhim bir qismi. O‘quv mashg‘ulotlarini samarali 
olib borishlari uchun u o‘qituvchilarning qo‘lida albatta bo‘lishi kerak.
O‘qituvchi uchun metodik qo‘llanma quyidagilarni o‘z ichiga oladi:
• har bir dars va mashqning maqsadlari;
• o‘qituvchilarning tushunishlariga yordam beruvchi til hamda 
madaniy sohalar bo‘yicha qaydlar, mashqlarning javoblari;
• multimedia ilovasi uchun yozuv materiallari;
• nazorat ishlari (javoblari bilan);
• o‘quvchilarni rasmiy baholash uchun qo‘llasa bo‘ladigan to‘rtta na-
munaviy test (javoblari bilan);
• darslikdagi mashqlarni to‘g‘ri tashkil etish bo‘yicha aniq 
ko‘rsatmalar.
Nazorat ishlari (Progress checks)
O‘qituvchi uchun metodik qo‘llanmaning 1-, 2-, 4-, 5-, 7-, 8-, 9-, 
11-, 12-bo‘limlaridan keyin nazorat ishlari (javoblari bilan) beril-
gan. Nazorat ishlari o‘quvchilar bo‘lim materiallarini qay darajada 
o‘zlashtirganliklarini tekshirib ko‘rish uchun imkoniyat yaratadi. Bu 
takrorlashning hamda o‘quv chilarda o‘z bilimini tekshirib ko‘rish javob-
garlik hissini uyg‘otishning samarali usullaridan biridir. Har bir nazorat 
ishiga 45 daqiqadan vaqt ajratiladi. 
Nazorat ishlaridagi tinglab tushunish mashqlari multimedia ilova-
siga ham yozilgan. O‘qituvchi ularni sinfga eshittirishi lozim.
Testlar (Tests)
O‘qituvchi uchun metodik qo‘llanmada o‘quvchilarni rasmiy baho-
lashda foydalanish mumkin bo‘lgan testlar (javoblari bilan) kiritilgan 
bo‘lib, ular 3-, 6-, 10-, 13-bo‘limlardan keyin o‘tkazilishi nazarda tutil-
gan. Har bir testga 45 daqiqadan vaqt ajratiladi.

---

5
Testlar  Teens’ English 6 darsligida qo‘llangan materiallarga to‘la 
asoslangan, shu sababli darslarga qatnashgan, barcha sinf hamda uy 
vazifalarini bajarib borgan o‘quvchilar yaxshi natijalarga erishishi ta-
yin. Testlardagi tinglab tushunish mashqlari multimedia ilovasiga ham 
yozilgan. O‘qituvchi ularni sinfga eshittirishi lozim.