Usmanova N. Yu. Iqtisodiyot va moliyaviy menejment

«Iqtisodiyot va menejment asoslari»
fanining predmeti 
deganda jamiyatning obyektiv iqtisodiy qonunlari va zaruriy qoidalarining shu 
sohada namoyon bo`lish shakllarini, sanoat mahsuloti ishlab chiqarish jarayonida 
jonli va buyumlashgan mehnatning eng muqobil xarajatlari asosida eng yaxshi 
natijalarga erishishni ta`minlab beradigan shart-sharoitlar va omillarni o`rganish 
tushuniladi. 
 
1.3. Fanning o`rganish usullari 
Ilm-fan metodologiyasi deyilganda, uni bilish va o`rganish faoliyatining 
shakllari va usullari majmuasi tushuniladi. Shu fan bo`yicha masalani o`rtaga 
tashlash, tadqiqot mavzusi va ilmiy nazariyani shakllantirish, shuningdek, 
aniqlangan natijaning haqiqiyligi, ya`ni o`rganilayotgan obyektga muvofiqligi 
jihatidan tekshirish metodologiyani qo`llashning eng muhim tomoni hisoblanadi. 
Demak, 
metodologiya
– bu tadqiqot yoki bilish, anglash yo`li, voqelikni amaliy va 
nazariy o`zlashtirish usullari majmuasidir. 
«Iqtisodiyot va moliyaviy menejment» 
fanining nazariy, metodologik 
asosini sanoatning vujudga kelishi va rivojlanish muammolari bo`yicha hozirgi 

---

12 
nazariya, o`zbek eli va xorijiy mamlakatlar iqtisodchilarining ilmiy asarlari, 
O`zbekiston Davlatining qonun-qoidalari, Respublika Prezidentining farmonlari 
tashkil etadi. 
Xalq xo`jaligining etakchi sohasi bo`lgan sanoatda ro`y beradigan barcha 
hodisa va o`zgarishlarni tadbiq etish anchagina murakkab jarayondir. U jonli 
mushohadadan abstrakt tafakkurga va undan amaliyotga, ya`ni – haqiqatni bilish-
ning, obyektiv reallikni tan olishning dialektik yo`lidan foydalanishni taqozo etadi. 
Bunday uslubiy yondashish sanoat, uning tarmoqlari hamda korxonalarida ro`y 
beradigan hodisalar, voqeliklar va iqtisodiy jarayonlarning o`zaro bog`liqligini, 
ularning uzluksiz harakati, taraqqiyot va o`zgarishi, miqdor ko`rsatkichdan sifat 
ko`rsatkichga o`tishi, vaqt va fazoda rivojlanishini anglab olishga yordam beradi. 
Dialektika usuli muammolar o`rganilayotgan omillar, shart-sharoitlarning 
namoyon bo`lishi va yuz berishi, ziddiyatlarga, qarama-qarshiliklarga boy 
ekanligini inobatga olishni taqozo etadi.