Microsoft Word togaymurod otamdan qolgan dalalar lotin ziyouz com doc

 
30
Qosh qoraya berib-qosh qoraya berib, daladan qaytaman. 
Ichkari hadahalayman — Ziyod oshnam holini so‘rayin deyman. 
Ammo Ziyod oshnam joyida yo‘q bo‘ladi. 
Tashqarilarni aylanib-aylanib qarayman — Ziyod oshnam yo‘q bo‘ladi. 
Oshpaz qiz o‘choq boshida hiq-hiq yig‘lab o‘tiradi. 
— Ziyod ketdi, —deydi. — Ziyod endi qaytib kelmaydi... 
Bolalar bir burchakda g‘uj bo‘lib oladi. Nima qilishlarini bilmaydi. 
— Nima qilib turibsizlar? — deydi oshpaz qiz. — Kosalaringni olib kelinglar, ovqat suzib 
beraman. 
— Ziyod qani? — deyman. 
— Ziyod ketdi, deyapman-ku, Ziyod ketdi... 
— Ziyod qayoqqa ketdi? 
— Ziyod... norasida ketdi! 
Bolalar duvv-duvv yig‘laydi. Bolalar ho‘ng-ho‘ng yig‘laydi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
42
Yig‘lamagan bola qolmaydi. 
Men bari aybni o‘zimdan ko‘raman. 
— G‘o‘za ichida uxlama, deganimda, Ziyod oshnam ketmas edi... — deya yig‘layman. 
 
31 
Bir oyog‘im to‘shakda bo‘ladi, bir oyog‘im futbol maydonda bo‘ladi. 
Shunda, timirskilanib-timirskilanib yurmish qizlarga ko‘zim tushadi. 
Qizlar-da futbol maydonga qatnar bo‘libdi-da, deya o‘ylayman. 
Gap-so‘zlardan bilib olaman — yo‘q... unday emas bo‘ladi, 
Bugun chin arafa bo‘ladi. 
Qizlar burchak-burchaklarda to‘da-to‘da bo‘lib soch yuvadi. 
Qizlar saharda turnaqator dalalaydi. Qizlar bir xushro‘y bo‘ladi, bir xushro‘y bo‘ladi! 
Qizlar qoshida ko‘k-ko‘k o‘sma bo‘ladi. Qizlar yuzida yalt-yalt moy bo‘ladi. Qizlar libosida bo‘y-
bo‘y atir bo‘ladi. 
Ayniqsa, o‘ninchi sinf Zulayhodan xushbo‘y-xushbo‘y atir anqiydi. 
Men beixtiyor Zulayho ketidan ergashaman. Zulayhoni to‘yib-to‘yib iskayman. 
Zulayho egat tushadi. 
Men Zulayho bnlan irgama-irga egat tushaman. 
Men burnimni Zulayho tarafga qaratib-qaratib paxta teraman. Qo‘lim chanoqda bo‘ladi, burnim 
Zulayhoda bo‘ladi. 
Men Zulayhoni iskab-iskab paxta teraman!