Туризм, таълим ва и қ тисодиёт тармо қ лар

РАҚОБАТБАРДОШ КАДРЛАР ТАЪМИНОТИ - БУХОРО 
ВИЛОЯТИ ТУРИЗМ СОҲАСИНИНГ ТАРАҚҚИЁТИ ВА 
ИСТИҚБОЛИДИР
Бахтиёр Адизов, 
Бухоро давлат университети таянч докторанти 
Бугунги кунда барча соҳаларда амалга оширилаётган кенг кўламли 
ислоҳотлардан кўзланган пировард мақсад мамлакатимиз иқтисодиётини янада 
ривожлантириш, аҳоли бандлигини таъминлаш билан халқимиз турмуш 
фаровонлигини юксалтиришга қаратилган.
Президент ШАвкат Мирзиёев таъкидлаганларидек, Туризм соҳаси – 
иқтисодиётнинг муҳим тармоқларидан бири. Мавжуд имкониятлардан самарали 
фойдаланган ҳолда, ушбу тармоқни янада такомиллаштириш зарур, буни 
даврнинг ўзи тақозо этмоқда. 
Ўзбекистон ҳам саёҳат, ҳам зиёрат учун қулай мамлакат. Чунки она 
заминимизда бутун дунёга маълум ва машҳур бўлган аждодларимиз мангу қўним 
топган. Улар қолдирган бой маънавий-маданий меросга халқаро майдонда 
қизиқиш жуда катта. 
Шунингдек, Ўзбекистонда туризмнинг янги истиқболлари очилиб, турли 
йўналишларда кенг қамровли лойиҳалар амалга оширилмоқда. Хусусан, кейинги 
йилларда альпинизм, отда, туяда, велосипедда саёҳат қилиш, off-road 
сайёҳатлари, балиқ ови, рафтинг, хелиски, геотуризм, таълим туризми, тиббий 
туризм каби янги сайёҳлик йўналишлари оммалашмоқда. 
Мамлакатимизда мазкур йўланишда тизимли, изчил имлоҳотларни олиб 
бориш, соҳани янада ривожлантириш учун туризм меҳнат бозорида малакали 
мутахассисларни тайёрлаш, қайта тайёрлаш ва уларнинг малакасини ошириб 
бориш, халқаро стандартлар даражасида хизмат кўрсатиш сифатини кўтариш 
бугунги асосий, долзарб вазифалардан биридир. 
Сўнгги йилларда Бухоро вилоятида халқаро ва маҳаллий туризм 
оқимининг барқарор равишда ошиб бораётганлиги кузатилмоқдаки, бу ўз 
навбатида соҳага хизмат кўрсатадиган, замонавий сервис хизматлари бўйича 
етарли малакага эга бўлган мутахассисларга янада талабнинг кучайиши 
кутилади. 
Мамлакатимизда соҳага доир олий маълумотли мутахассисларни 
тайёрлайдиган 5 та олий таълим муассасалари мавжуд бўлиб, улар Самарқанд 
иқтисодиёт ва хизмат кўрсатиш институти, Тошкент давлат иқтисодиёт 
университети, Бухоро давлат университети, Урганч давлат университети ва 
Тошкент шаҳридаги Сингапур менежментни ривожлантириш институтларидир. 
Бухоро вилоятида туризм соҳаси учун асосан кадрлар Бухоро давлат 
университетининг “Туризм” факультети ва Бухоро Туризм коллежида 
тайёрланади. Охирги йилларда соҳа истиқболи учун олий маълумотли кадрларни 
тайёрлаш бўйича Бухоро давлат университетида жуда кенг қамровли ишлар 
амалга оширилди. Вилоятда туризм ва унга хизмат кўрсатувчи соҳаларнинг 
истиқболдаги ривожланиш тенденцияларидан ҳамда бугунги кундаги малакали 
мутахассисларга бўлган, кечиктириб бўлмас эҳтиёжларидан келиб чиққан ҳолда, 
таълим муассасасининг туризм факультети негизида янги бакалавриат таълим 

---

61 
йўналишлари ва магистратура мутахассисликлари бўйича мутахассис тайёрлаш 
йўлга қўйилди. Масалан, дастлаб университетда туризм факультети ташкил 
этилмаган, Ижтимоий-иқтисодий факультети негизида фақат “сервис (туризм ва 
меҳмонхона хўжалиги)” таълим йўналиши бўйича мутахассислар тайёрланиб, 
мазкур таълим йўналишини 2012 йилда илк битириб чиқишган бўлса, 2010/2011 
ўқув йилидан бошлаб “Меҳмонхона хўжалигини ташкил этиш ва бошқариш”, 
2013/2014 ўқув йилидан “Туризм” ва “Хизматлар соҳаси” бакалавриат таълим 
йўналишлари ҳамда “Туроператорлик фаолиятини ташкил этиш” магистратура 
мутахассисликларига ҳам талабалар қабули амалга оширилиб келинмоқда. 
Университетда бу соҳада мутахассис тайёрлаш қамрови, сифати ҳамда 
заруратидан келиб чиқиб, Бухоро давлат университетида 2015 йил 1 майдан
“Туризм” кафедраси ва 2016 йил 31 декабрдан эса “Туризм” факультети ташкил 
этилди.
Университет томонидан охирги йилларда соҳа учун зарур бўлган малакали 
кадрлар тайёрланиб, вилоят туризм соҳасида ўз меҳнат фаолиятларини амалга 
ошириб келмоқдалар. 
Бухоро давлат университети томонидан таълим йўналишлари бўйича 
тайёрланган ёш мутахассислар, битирувчилар тўғрисидаги маълумотларга (1-
жадвал) диққатни қаратмоқчимиз.