Бошқа тармоқларда бухгалтерия ҳисобининг хусусиятлари

Биринчидан,
ўрнатиш далолатномасига мувофиқ АТВга ўрнатилган 
автошиналар қиймати топиб олинади. 
Иккинчидан,
йўл варақалари ҳамда автошиналар иш фаолияти ҳисоби 
карточкалари асосида АТВлар томонидан ўрнатилган янги автошиналарда 
босиб ўтилган масофанинг узунлиги аниқланади.
Учинчидан,
ўрнатилган янги автошиналар бўйича улар қийматининг бир 
бирлик ишга тўғри келадиган меъёри топилади. Бундай меъёр бўлиб 
автошиналар қийматининг 1 км босиб ўтилган масофага тўғри келувчи ўртача 
суммаси ҳисобланади. Ушбу ўртача сумма ўрнатилган автошиналар қийматини 
улар бўйича ишлаб чиқарувчи завод томонидан белгиланган йўл босиб ўтиш 
меъёрига бўлиш орқали топилади.
Тўртинчидан,
ҳар ойда АТВ томонидан босиб ўтилган масофани 1 км 
босиб ўтилган масофага тўғри келадиган суммага (меъёрга) кўпайтириш орқали 
ўрнатилган автошиналарнинг бажарилган иш (кўрсатилган хизмат)лар 
таннархига киритиладиган суммаси топилади. 
Мисол
. 
Айтайлик, 2007 йил 1 май куни М-50 «Ўзотойўл» автобусига ҳар 
бирининг кирим баҳоси 110 минг сўмлик жами қиймати 440 минг сўмлик 
тўртта баллон ўрнатилди. Баллонларнинг завод томонидан белгиланган 
масофа ўтиш меъёри 55 минг км. Демак, уларнинг 1 км масофани босиб босиб 
ўтишида ҳисобдан чиқариладиган ўртача қиймати 8 сўм (440000 /55000). 
Автобуснинг йўл варақалари бўйича босиб ўтган йўли ойлар бўйича қуйидагича: 
май - 6000 км; июнь - 6200 км; июль – 5500 км; август – 6400 км; сентябрь– 
7000 км.
Автошиналар қийматини ҳар ойда АТВлар ёрдамида бажарилган иш 
(кўрсатилган хизмат)лар таннархига бажарилган иш ҳажмига, яъни босиб ўтган 
йўлига кўра ҳисобдан чиқариб борилиши қуйидагича ҳисоб-китоб қилинади 
(20.2-жадвалга қаранг). 
 
20.2-жадвал 
Автошиналар қийматини бажарилган иш (кўрсатилган хизмат)лар