Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

135-
модда.
 
Таносил касаллигини тарқатиш
Ўзида таносил касаллиги борлигини била туриб, бу касални бошқа шахсга юқтириш —
базавий ҳисоблаш миқдорининг эллик бараваридан юз бараваригача жарима ёки икки 
юз қирқ соатдан уч юз олтмиш соатгача жамоат ишлари ёки бир йилдан уч йилгача иш ҳақидан 
ушлаб қолиш ёхуд бир йилдан уч йилгача озодликни чеклаш ёки уч йилгача озодликдан маҳрум 
қилиш билан жазоланади.
Ўша ҳаракатлар:
1) икки ёки ундан ортиқ шахсга нисбатан;
2) ўн саккиз ёшга тўлмаганлиги айбдорга аён бўлган шахсга нисбатан содир этилган 
бўлса, —
уч юз олтмиш соатдан тўрт юз саксон соатгача жамоат ишлари ёки уч йилдан беш йилгача 
озодликни чеклаш ёхуд уч йилдан беш йилгача озодликдан маҳрум қилиш билан жазоланади.
Таносил касаллиги юқтириш хавфи остида қолдирилган ёки таносил касаллиги 
юқтирилган шахсни ўзида таносил касаллиги борлиги ҳақида олдиндан хабардор қилган шахс 
мазкур модданинг биринчи ёки иккинчи қисмларида назарда тутилган қилмишни содир этса, 
жиноий жавобгарликдан озод қилинади.
136-
модда.
 
ОИВ касаллиги/ОИТСни тарқатиш
Била туриб, бошқа шахсни ОИВ касаллиги/ОИТСни юқтириш хавфи остида қолдириш ёки 
унга ОИВ касаллиги/ОИТСни юқтириш —
беш йилдан саккиз йилгача озодликдан маҳрум қилиш билан жазоланади.
Шахснинг касб юзасидан ўз вазифаларини бажармаганлиги ёки лозим даражада 
бажармаганлиги оқибатида бошқа шахсга ОИВ касаллиги/ОИТСни юқтириши —
базавий ҳисоблаш миқдорининг юз бараваридан икки юз бараваригача жарима ёки уч юз 
олтмиш соатдан тўрт юз саксон соатгача мажурий жамоат ишлари ёки уч йилгача иш ҳақидан 
ушлаб қолиш ёхуд уч йилдан беш йилгача озодликни чеклаш ёки беш йилгача озодликдан 
маҳрум қилиш билан жазоланади.
ОИВ касаллиги/ОИТСни юқтириш хавфи остида қолдирилган ёки таносил касаллиги 
юқтирилган шахсни ўзида ОИВ касаллиги/ОИТС борлиги ҳақида олдиндан хабардор қилган 
шахс мазкур модданинг биринчи қисмида назарда тутилган қилмишни содир этса, жиноий 
жавобгарликдан озод қилинади.

---