Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

280-
модда.
 
Давлат органи, давлат иштирокидаги ташкилот ёки фуқароларнинг 
ўзини ўзи бошқариш органи хизматчисининг қонунга хилоф равишда 
моддий қимматликлар олиши ёки мулкий манфаатдор бўлиши

---

Давлат органи, давлат иштирокидаги ташкилот ёки фуқароларнинг ўзини ўзи бошқариш 
органи хизматчисининг ўз хизмат мавқеидан фойдаланган ҳолда бажариши лозим ёки мумкин 
бўлган муайян ҳаракатни уни пора эвазига ўзига оғдириб олаётган шахс ёки учинчи шахс 
манфаатларини кўзлаб бажариши ёки бажармаслиги эвазига қонунга хилоф эканлигини била 
туриб, моддий ёки номоддий қимматликлар олиши ёхуд мулкий ёки номулкий манфаатдор 
бўлиши кўп бўлмаган миқдорда содир этилган бўлса, —
базавий ҳисоблаш миқдорининг эллик бараваригача жарима ёки уч юз соатгача жамоат 
ишлари ёхуд икки йилгача иш ҳақидан ушлаб қолиш билан жазоланади.
Ўша ҳаракатлар:
1) анча миқдорда;
2) товламачилик йўли билан содир этилган бўлса, —
базавий ҳисоблаш миқдорининг эллик бараваридан икки юз бараваригача жарима ёки уч 
юз соатдан уч юз олтмиш соатгача жамоат ишлари ёки икки йилдан уч йилгача иш ҳақидан 
ушлаб қолиш ёхуд бир йилдан уч йилгача озодликни чеклаш ёки уч йилгача озодликдан маҳрум 
қилиш билан жазоланади.
Ўша ҳаракатлар:
1) 
илгари ушбу Кодекснинг 275
-277-
моддаларида назарда тутилган жиноятлар учун 
судланган шахс томонидан;
2) кўп миқдорда;
3) бир гуруҳ шахслар томонидан олдиндан тил бириктириб;
4) тадбиркорлик фаолиятини амалга ошириши муносабати билан шахсга нисбатан 
товламачилик йўли билан содир этилган бўлса, —
уч йилдан беш йилгача озодликни чеклаш ёхуд уч йилдан беш йилгача озодликдан 
маҳрум қилиш билан жазоланади.
Ўша ҳаракатлар:
1) жуда кўп миқдорда;
2) уюшган жиноий гуруҳ манфаатларини кўзлаб содир этилган бўлса, —
беш йилдан саккиз йилгача озодликдан маҳрум қилиш билан жазоланади.