Andijon davlat universiteti umumiy pedagogika kafedrasi qiyosiy pedagogika

TALABALARNING 
MUSTAQIL 
TA`LIMINI 
TASHKIL 
ETISH 
SHAKLLARI 
Talabaning mustaqil ishi uning auditoriyada va undan tashqarida, o’qituvchi 
rahbarligida yoki o’qituvchi ishtirokisiz amalga oshiriladigan mustaqil ish majmuini 
anglatadi. Mustaqil ish qanday sharoitlarda amalga oshiriladi: 
1. Bevosita auditoriyada - ma`ruza amaliy mashg’ulot, seminar yoki laboratoriya 
ishlari bo’yicha vazifalar berish jarayonida; 
2. O’qituvchi bilan dars jadvalidan tashqari paytlardagi bevosita muloqot 
chog’ida maslahatlar berishda, ijodiy muloqotlar jarayonida, yakka topshiriq 
bajarishda va boshqalar. 
3. Axborot resurs markazida, uyda, talabalar uylarida, kafedralarda talaba 
tomonidan o’quv yoki ijodiy topshiriqlarni bajarish jarayonida.
Mustaqil ish bo’yicha test savollari, topshiriqlar va mashqlar ustida ishlash 
asosan mustaqil bajariladi. Bu ish natijalari esa auditoriyada (amaliy va laboratoriya) 
mashg’ulotlarida o’qituvchi rahbarligida tahlil qilinadi va baholanadi.

---

121 
Kasb ta`limi pedagogikasi fanidan mustaqil ta`limni tashkil etish uchun 
avvalambor quyidagi mustaqil ish bajarish turlari haqida ma`lumotga ega bo’lishlari 
lozim.
Mashqlar bajarish - 
Mustaqil ishlarning asosiy ko’rinishlaridan biri mashqlar 
bajarishdir. Mashqlar dastur asosida tuzilishi, juda oson yoki haddan tashqari qiyin 
bo’lmasligi lozim.
Mashqlar - ko’nikma va malakalarni shakllantirish hamda mustahkamlash 
maqsadida muayyan xatti-xarakatlarni ko’p marta takrorlashdir. Ishlab chiqarish 
ta`limidagi mashqlarga asosan quyidagi talablar qo’yiladi: mashqlarni o’quvchilar 
ongli va maqsadga muvofiq yo’sinda bajarishlari; ishlab chiqarish metodikasiga 
asoslanishi, tizimli, izchil, uzluksiz bo’lishi va takrorlanishi; o’quvchilarning 
mustaqil ishlashi muntazam rivojlanib borishi kerak.