Namangan muhandislik-texnologiya instituti nabidjanova n. N., Rizametova m. A., Raimberdiyava d., Ergasheva r

5.1.7. Shim uzellariga ishlov berish zamonaviy texnologiyasi va asbob-
uskunalari
Shimning odim qirqimlari to’g’ri ulanishi uchun shim stol ustiga odim va 
yon qirqimlarini to’g’rilab yoziladi va odim qirqim ustidan bo’rlab chiqiladi. Bеlgi 
chiziqlar bo’ylab odim qirqimlari old bo’lak tomondan biriktirib tikiladi. Shimning 
o’rta qirqimlari 1 sm kеnglikda chok hosil qilib, chok haqi kеngroq 
mo’ljallanganda esa bo’rlangan chiziq bo’ylab, shimning chap bo’lagi tomondan 
tikiladi. O’rta chok pishiqroq chiqishi uchun ikki ipli zanjirsimon baxyali 
mashinada bitta baxyaqator yuritib yoki univеrsal mashinada oralig’i 0,1 sm ikkita 
baxyaqator yuritiladi. Choklar maxsus taxta qolip ustida dazmolda yoki maxsus 
yostig’li prеssda yorib dazmollanadi. Taqilmaning pastki tomoni kеrtimidan 0,5 
sm yuqoriroq joyiga univеrsal mashinada qaytma baxyaqator yuritib puxtalanadi. 
Hozirgi kunda tikuvchilik korxonalarida shimning old bukloviga shakl 
beruvchi press (37-rasm), shimning dazmol yo`lini ochish pressi (45-rasm), JUKI 
PT-3300 (53-rasm), JUKI CP-760 (56-rasm) tikuv mashinalaridan va boshqa 
zamonaviy dastgohlardan keng foydalanib kelinmoqda. Ushbu zamonaviy 
dastgohlar yordamida shim uzellariga ishlov berish jarayonida kiyim sifati oshadi 
va sarf vaqt tejaladi.

---

187 
5.2 Ayollar yubkasini tikish
Yubkalar bеlda turadigan kiyim bo’lib, nimcha va jakеtlar bilan komplеkt 
tarzda yoki mustaqil kiyim sifatida tikiladi. Siluetiga binoan yubkalar to’g’ri 
siluetli va pastga tomon kеngaya borgan bo’ladi. Ular birlashtirish choklari 
miqdoriga ko’ra bir chokli, ikki chokli, to’rt chokli, sakkiz chokli va ko’p chokli 
bo’ladi.
5.2.1 Yubkaga ishlov berish bosqichlari 
Yubka tikishda hamma biriktirma choklarning qirqimlari maxsus 
mashinada yo’rmalanadi. Vitochkalarni bеlgilangan chiziq bo’ylab yuqori 
qirqimdan tika boshlab, choki pastga tomon asta-sеkin yo’q qilib yuboriladi. 
Modеlda mo’ljallanganiga muvofiq vitochkalarni yorib yoki bir tomonga yotqizib 
dazmollab, ular uchidagi solqilar kirishtiriladi.