Book · May 020 citations reads 1,735 authors: Some of the authors of this publication are also working on these related projects

Ўзбекистон техник жиҳатдан тартибга солиш давлат тизимининг тузилмаси
 
 
Техник жиҳатдан тартибга солиш давлат тизимига кирувчи органлар фаолиятининг 
асосий йўналишларини Ўзбекистон Республикаси Вазирлар Маҳкамаси белгилайди. Ушбу 
тизимни шакллантириш, такомиллаштириш ва Қонун билан белгиланган вазифаларни 
бажариш мақсадида, техник жиҳатдан тартибга солиш соҳасидаги ваколатли давлат 
органлари тайинланган (10.1-расм): 

Ўзбекистон стандартлаштириш, метрология ва сертификатлаштириш агентлиги 
давлат ва хўжалик бошқаруви органларининг умумий ва махсус техник регламентларни 
ишлаб чиқишга доир фаолиятини ўз ваколати доирасида мувофиқлаштиради ҳамда ташкил 
этади; 

Ўзбекистон Республикаси Соғлиқни сақлаш вазирлиги маҳсулотлар, ишлар ва 
хизматларнинг хавфсизлигига доир, уларда инсон ҳаѐти ва соғлиги учун зарарли моддалар, 
касаллик туғдирувчи организмларнинг мавжудлиги, касаллик ташувчиларнинг кириб 
келиши ѐки тарқалишининг олдини олиш, тиббиѐт буюмлари, тиббий техника ва дори 
воситаларини ишлаб чиқариш ҳамда қўллаш бўйича мажбурий талабларга тааллуқли 
ишларнинг бажарилишини ташкил этади ва таъминлайди; 

Ўзбекистон Республикаси Давлат архитектура ва қурилиш қўмитаси шаҳарсозлик 
фаолиятида маҳсулотлар, ишлар ва хизматлар хавфсизлигига доир мажбурий талабларга 
тааллуқли ишларнинг бажарилишини ташкил этади ва таъминлайди; 

---

112 

Ўзбекистон Республикаси Табиатни муҳофаза қилиш давлат қўмитаси табиий 
ресурслардан фойдаланиш ҳамда атроф-муҳитни ифлосланиш ва бошқа зарарли 
таъсирлардан муҳофаза қилишда маҳсулотлар, ишлар ва хизматлар хавфсизлигига доир 
мажбурий талабларга тааллуқли ишларнинг бажарилишини ташкил этади ва таъминлайди; 

Давлат ва хўжалик бошқаруви органлари ўз ваколатлари доирасида ―Техник 
жиҳатдан тартибга солиш тўғрисида‖ги Қонунда белгиланган вазифаларни амалга оширади. 
Қонунда техник регламентларни ишлаб чиқиш жараѐни ушбу соҳа эксперт 
кенгашларига юклатилган. Ишлаб чиқилган техник регламент лойиҳаларини экспертизадан 
ўтказишни эса ваколатли давлат органлари ҳузурида ташкил этиладиган эксперт 
комиссиялари бажаради. 
Техник жиҳатдан тартибга солиш соҳасида меъѐрий хужжатларни тўплаш ва улар 
тўғрисида маълумотларни етказиш масалаларни тизимли равишда ҳал этиш мақсадида 
давлат фонди ташкил қилинди.
Жорий этилаѐтган тизимни шакллантириш учун, Ўзбекистон Республикаси Вазирлар 
Маҳкамасининг 2010 йил 10 майдаги 86-сонли ―Техник жиҳатдан тартибга солиш 
тўғрисида‖ги Ўзбекистон Республикаси Қонунини амалга оширишни давом эттириш чора-
тадбирлари ҳақида‖ги қарори билан қуйидагилар тасдиқланди:
1.
―Техник жиҳатдан тартибга солиш соҳасидаги эксперт комиссиялари тўғрисидаги 
Низом‖; 
2.
―Техник жиҳатдан тартибга солиш соҳасидаги норматив ҳужжатларнинг давлат 
фондини шакллантириш ва юритиш тартиби тўғрисидаги низом‖; 
3.
―2010-2013 йиллар учун техник регламентларни ишлаб чиқиш дастури‖.