1 O`zbeksiton respublikasi oliy va o`rta maxsus ta`lim vazirligi buxoro dalat universiteti

Qo`shchi qo`shig`i:
Qahraton qishdan bola-chaqasi bilan toliqib chiqqan 
dehqon bahor kelishi bilan yer haydashga kirishadi. Tabiat jonlangan, xushhavo, 
biroq uning ho`kizi ishga yaramaydi-o`lguday och, madori qurigan. Dehqon ilk 
bahordagi nochor ahvolini ho`kiz tilidan shunday tasvirlaydi. 
Shoxlarim quloch-quloch, 
Yo`q madorim, qornim och, 
Tepamda qo`ngan qaldirg`och, 
Men qaytib qo`shga yarayman. 
Qo`shchi qo`shiqlari yolg`iz qo`shchining o`zi tomonidan baland ovoz bilan, 
ba`zan xirgoyi qilib ijro etiladi. Ularda dehqonning hayoti, ish hayvonga 
munosabati tasvirlangan. 

---

52 
O`rim qo`shiqlari:
O`rim qo`shiqlari hosilini o`rib-yig`ib olayotgan dehqon 
o`roqchilar guruhi tomonidan ijro etilib, qo`shiqda dehqonning umidi ro`yobga 
chiqayotgani, ko`tarinki ruh bilan ishga kirishayotgani bayon qilinadi. 
Dehqonning yuragida kuch-g`ayrat jo`sh uradi. U g`allani tezroq urib, g`aram 
qilish niyatida: 
O`rog`im olmos,
O`rishdan qolmas, 
Sira ham tolmas,
O`rmasam bo`lmas. 
O`roqchi qo`shig`ida naqarot o`rnida keladigan qo`yidagi to`rtlik dehqon 
tilidan takrorlanib, to`qlik, ma`murchilikning qadr-qimmati, mehnatkash inson 
ulug`ligi ta`kidlanadi, halol mehnatning unumidan g`am-g`ussa, muhtojlik, 
qashshoqlik unutilganday bo`ladi. 
G`ujmoqi bug`doy,
Donginang to`q-ay. 
To`p bo`l, o`raylik,
Xo`pda ko`raylik. 
O`roqchi qo`shiqlariga mehnat jarayoniga bilvosita aloqasi bo`lgan 
qo`shiqlar ham kiradi. Masalan: dehqonlar arpa, bug`doy o`rayotganda, hashar 
qilishganda o`roqchilar orasiga bir ashulachini o`tkazib qo`yishgan. U lirik 
dostonlardan parchalarni baland ovoz bilan aytib turgan. Shunday asarlardan biri 
«Yozi bilan Zebo» dostonidir. Sevgi va sadoqatdan bahs etuvchi, boshdan 
oxirigacha qiz bilan yigitning savol-javobidan tashkil topgan, hazil-mutoyibadan 
iborat bu lirik xalq dostoni tinglovchilarni g`oyat zavqlantirar, saratondagi og`ir 
qo`l mehnatini yengillashtirishda ma`naviy oziq berar edi. Bunda «Yozi bilan 
Zebo» dostoni to`la ijro etilmagan, balki undan lirik parchalar kuylangan. 
Dostondan olingan parchalarni kuylovchilarni «Yozichi», «Yozigo`y» deyilgan. 

---

53 
Yozigo`ylar o`rim maydoni o`rtasida o`tirib, baland ovozda sozsiz kuylaganlar, 
naqarotlariga o`roqchilar jo`r bo`lib turgan.