Ўзбекистон республикаси банк-молия академияси “банк иши” кафедраси

3.5.
 
Тадқиқот жараёнида кутилаётган муаммолар ва уларнинг 
ечими. 
Тадқиқот жараёнида кутилаётган муаммолар ҳақида сўз юритганда, 
авваламбор тижорат банкларидан уларнинг фаолиятлари, хусусан кредит 
фаолиятларига тааллуқли ҳисоботлар ва маълумотлар, сўровнома ўтказиш ва 
интерью олиш орқали маълумотлар олиш жараёнида бир қанча муаммоларга 
дуч келиниши табиий. Чунки, тижорат банклари ўз фаолиятларига тегишли 
маълумотларни банк сири, тижорат сири деб билишади ва ошкор қилишни 

---

37 
ҳоҳлашмайди. Бу муаммони ечиш учун улардан олинадиган маълумотлар 
илмий тадқиқот ўтказиш мақсадида фойдаланилиши, бу эса келгусида илм-
фан ва республикамиз банклари ривожига ижобий таъсир килиши 
мумкинлиги тушунтириб ўтилиши белгилаб олинди. Бундан ташқари, банк 
мутахассислари орасида анкета сўровномаси ўтказиш учун уларнинг маълум 
вақт ажратишларига эришиш лозим. Ҳозирги кунда, бозор иқтисодиёти 
шароитида фаолият юритаётган кўпчилик соҳаларда бўлгани каби банкларда 
ҳам ходимлар ўз вақтларидан унумли фойдаланиб келишмоқда. Бу эса бизга 
уларнинг жуда банд бўлган кундалик графикларидан вақт ажратишларида 
қийинчилик туғдириши табиий. Бу муаммога ечим топиш учун биз анкета 
сўровномаларини айнан “Hamkorbank” АТБда муаммоли кредитлар билан 
ишлови ходимлар орасида ўтказамиз. Бунда тадқиқотимиз авваламбор 
“Hamkorbank” АТБ тизимининг келгусида банкда кредит рискини бошқариш 
орқали кредит портфели сифатини оширишига хизмат қилиши, қолаверса 
республикамизнинг бутун банк тизими ривожланишига таъсир кўрсатишини 
тушунтириш орқали банк ходимларининг анкета сўровномаларига жавоб 
беришга вақт ажратишларига эришамиз.
3.6.
 
Тадқиқотдан кутилаётган илмий ва амалий натижалар 
Тижорат банкларида муаммоли активларни кайтириш чоралари 
мавзусида олиб борадиган тадқиқотимиз келгусида илм-фан ва 
республикамиз тижорат банклари ривожига ижобий таъсир этиши 
кутилмоқда. Ваҳоланки, бу мавзу тижорат банкларининг фаолияти ва 
даромадининг асосий қисми бўлган кредит йўналишига тегишли мавзу 
бўлиб, тижорат банклари кредит рискини самарали бошқаришни йўлга 
қўйилиши орқали кредит портфели сифати юқорилигини таъминлаш билан 
ўзларининг кредит-инвестиция фаолиятларини тўхтовсиз кенгайтириб 
боришлари мумкин. Бу эса уларнинг даромадлилиги мунтазам равишда 
ошириб боришларига улкан замин яратади.

---

38 
Шу мақсадда, биз тижорат банкларида муаммоли активларни камайтириш 
борасида республикамизга хос бўлган илғор усулларини хорижий ва 
махаллий олиму-тадқиқотчиларнинг шу кунгача ушбу йўналишда олиб 
борган ишларини таҳлил қилиш орқали аниқлаб, уларга ишлов бериб, 
тўлдириб тижорат банклари қўллашлари учун янада қулай модел ва 
ёндашувларни яратиш мазкур тадқиқотдан кутилаётган асосий амалий ва 
илмий натижадир.