Таълим вазирлиги ўрта махсус, касб

 
Кўникмалар:
Фанни ўрганиш натижасида ўқувчилар қуйидаги кўникмаларга эга 
бўлишлари керак: 
- металлар ва қотишмаларнинг тузилиши ва хоссаларини билган ҳолда улардан енгил, 
юқори сифатли, арзон маҳсулотлар (деталлар) тайёрлаш технологиясини эгаллаш; 
- пайвандлаш жараёнида, унумли юқори самарадорлиги ва сифатли пайванд чок ҳосил 
қилувчи пайвандлаш усулларидан фойдаланиш; 
- металларни босим билан ишлов беришда уларнинг хоссаларидан келиб чиққан ҳолда 
иссиқлайин ва совуқлайин ишлов бериш; 
- металларни кесиб ишлов беришда кесиш элементлари ва усулларидан унумли 
фойдаланиш. 
 
Билимлар:
Фанни ўрганиш натижасида ўқувчилар қуйидаги билимларга эга бўлишлари 
керак: 
қора ва рангли металлар металлургияси, металшунослик асослари, пластмассалар, 
қуймакорлик, босим билан ишлаш, пайвандлаш, кесиш ва кавшарлаш, металларни кесиб 
ишлаш ва дастгоҳларнинг умумий тузилиши, турлари ва ишлатилиши.
Фаннинг ўқув режадаги бошқа фанлар билан ўзаро боғлиқлиги, услубий жихатидан 
узвийлиги ва кетма
-кетлиги. 
Ушбу фанни ўзлаштириш учун математика, физика, кимё фанларини, шунингдек техник 
механика, умумий электротехника ва электроника асослари каби фанларни чуқур 
ўзлаштирган бўлишлари талаб этилади. 
Ўқувчи кимёвий элементларнинг тузилиши ва хоссаларини билсагина автомобиль 
деталларини нима учун турли хил металл қотишмаларидан тайёрланганлигига баҳо бера 
олади. Шунинг учун ўқув режага кўра юқорида келтирилган фанларни ўзлаштиргандан 
сўнг ўқувчи «Металлар технологияси» фанини ўзлаштиришга кириши кўзда тутилган. 
Фанни ўқитишда замонавий ахборот ва педагогик технологиялари бўйича 
 
тавсиялар.
 
Фанни ўқитишда ўқувчиларнинг амалий билим ва кўникмаларини ошириш 
мақсадида илғор педагогик технологиялардан кейс-стади, лойиҳалар усули, муаммоли 
усул, ақлий ҳужум, баҳс, ўйин шунингдек, таълим олувчиларни янада фаоллаштиришга 
йўналтирилган интерфаол усуллардан ўринли фойдаланиш яхши самара беради. 
Муаммоли, табақалаштирилган, индивидуаллаштирилган ўқитиш технологияларидан 
ҳамда мултимедиа технологияларидан фойдаланиш ўқувчиларни билим имкониятлари ва 
ижодий қобилиятларини ривожлантиради. Ноанъанавий дарс усулларини танлашда 
ўқувчиларнинг ўзлаштириш қобилияти, уларнинг шахсий сифатлари, моддий-техник 
таъминот, дарсни ўқитиш учун зарур бўладиган кўргазмали воситаларнинг мавжудлигини 
ҳам инобатга олиш талаб этилади. Интерфаоллик даражаси қанчалик юқори бўлса, таълим 
бериш жараёни шунча натижали бўлади. Интерфаол усуллар ўқувчилар зарур билимларни 

---

ўзлаштирганда, мулоқотга кириша олиш қобилиятига ега бўлганда, ўзаро ҳамкорликда 
ишлай олганда, ижодкорлик қобилиятини намоён қила билганда, мустақил фикрлаб, уни 
еркин баён қилиб ва ҳимоя қила олиш кўникмаларига ега бўла олган тақдирдагина ўз 
самарасини беради.