тафовут ўрни қопланди.
Мураккаб иқтисодий аҳвол юзага келганига қарамай, Ўзбекистонда
аҳоли учун энг муҳим ижтимоий вазифаларни ҳал этиш мақсадида
зарур
маблағлар излаб топилди. Ислоҳотларнинг дастлабки босқичида ижтимоий
муҳофазага ажратилган давлат харажатлари республика бюджетининг учдан
бир қисмини ташкил этди.
Ўша даврда ишлаб чиқилган ижтимоий сиѐсат ўз олдида турган
вазифаларни амалга оширди ва айни вақтда бозор иқтисодиѐтига хос
заруриятни - ижтимоий ѐрдам чоралари ва воситаларини ўзгариб турган
шароитга мувофиқ тарзда доимо мослаш заруриятини юзага келтирди.
Барча аҳолига мўлжалланган ижтимоий сиѐсат ѐрдамга эҳтиѐжнинг
кўпроқ ва камроқ даражаси каби жуда муҳим
омилга нисбатан сезгирликни
қўлдан бой берди. Шундай бўлиб чиқдики, кам таъминланган фуқролар ҳам,
тўла таъминланган фуқаролар ҳам бир хилда мадад оларди. Бунинг устига,
дотация жорий этилган асосий товар ва хизмат турлари ҳақиқатан истеъмол
этилишига нисбатан улардан айни шундай ѐрдамга камроқ муҳтож бўлган
кишилар кўпроқ фойдаланиб қолишди.
Ҳақиқатан ҳам муҳтож кишилар учун кам самара берган беҳуда сарф-
харажат маблағларнинг сочиб юборилишига сабаб бўлди. Шуни айтиш
кифояки, фақат республика бюджети орқали 30 хил турли йўналишлар бўйича
ѐрдам кўрсатилган. Объектив равишда ижтимоий ҳимоя қилиш воситаларини
қайта йўналтириш зарурати, ялпи ижтимоий мадад бериш йўлидан чиндан ҳам
ѐрдамга муҳтож кишиларга ѐрдам кўрсатишнинг табақалашган,
адресли
тизимига ўтиш зарурати туғилди.
Республикада чиндан ҳам муҳтож одамларга адресли, табақалашган
ѐрдам беришга адолат ғоясига оғишмай амал қилиш қоидаси асос қилиб
олинди.
Ижтимоий ѐрдам тизимининг адолат мезонига бўйсундирилиши аҳоли
учун ғоят оддий ва равшан бўлган тақсимот воситаларини талаб қилди ва улар
ишлаб чиқилди.
Мустақиллик йиллари аҳолини ижтимоий муҳофаза этиш тизими
тубдан ўзгартирилди. Мазкур ўзгариш ислоҳотлар ижтимоий дастурини амалга
ошириш биринчи босқичининг энг муҳим якуни бўлди ҳамда бозор
муносабатлари
ривожланишига
мос
янги
устивор
йўналишларга
ўтилганлигидан далолат берди.
Янги тизим ижтимоий ѐрдамдан аниқ фойдаланувчиларга пухтароқ
йўналтирилган. Булар, аввало, мамлакат келажаги – болалар, шунингдек, кўп
болали ва кам таъминланган оилалардир.
Ижтимоий ўзаро ѐрдам тизимида оила асосий бўғинга айландики, бу эса
дунѐвий асосий инсонийлик қоидаларига, миллий анъаналар ва хусусиятларга,
жамиятда оила мавқеига мувофиқдир.
Ўзбекистонда муҳтожларга ижтимоий ѐрдам кўрсатишнинг
энг содда,
самарали ва ошкора воситаси қилиб маҳалла орқали ѐрдам берилиши мақбул,
деб топилди. Аҳоли демократик асосда сайлаб қўядиган оқсоқоллар (раислар),
уларнинг маслаҳатгўйлари ва маҳалла фаоллари, фуқаролар йиғинлари (уларга
қонун йўли билан маҳаллий ўз-ўзини бошқариш органи мақоми берилган) ҳар
бир оиланинг моддий аҳволини, даромад манбаларини яхши билади.
Мамлакатда жорий этилган ижтимоий ўзаро ѐрдам тизимига биноан, кам
таъминланган оилаларга моддий ѐрдам тайинлаш масаласи маҳалла фуқаролари
йиғилишида ҳал қилинади. Муҳтожларни аниқлаш, ҳисобга олиш ва рўйхатдан
ўтказиш, уларга адресли ѐрдам бериш ишига бундай мутлақо янгича ѐндашувда
қўни-қўшниларга ѐрдам кўрсатиш, унга ҳамдардлик билдириш, шунингдек,
текинхўр ва боқимандаларга нисбатан муросасиз бўлиш каби қадимий халқ
анъаналари намоѐн бўлади. Эндиликда бесўнақай ва қимматга тушадиган
қоғозбоз
идоралар ташкил этмасдан туриб, аҳолининг адолат ҳақидаги
тасаввурларига мувофиқ равишда ялпи ички маҳсулотнинг бир қисми чиндан
ҳам муҳтож оилаларга тақсимлаб берилаѐтир.
Мамлакатда оналик ва болалик манфаатларини кўзлаб болали оилаларга
давлат ѐрдамини кучайтириш, ўсиб келаѐтган авлодни камол топтириш ва
тарбиялаш учун шароит яратиш мақсадида 16 ѐшгача болалари бўлган
оилаларга ойлик нафақалар оширилди.
Эндиликда кам таъминланган оилага ойлик моддий ѐрдам тайинлаш ва
унинг миқдорини белгилаш шаҳарча, қишлоқ, овул ва шаҳарларда маҳалла
фуқаролари вакилларининг йиғилиши томонидан қабул қилинади.
Бозор муносабатларининг имконияти кенг, аммо айни вақтда улар ғоят
талабчандир. Бозор иқтисодиѐти шароитида ҳар кимнинг тақдири кўп жиҳатдан
касб маҳоратига, ўзгариб турган муҳитга мослаша олишига, таваккал қилиши,
ҳатто ўз шахсий мол-мулкини хавф остига қўйишдан ҳам қўрқмай, оилавий
фаровонлигини таъминлай олиш билан боғлиқдир. Давлат эса бундай шароитда
ижтимоий тотувлик ва барқарорлик кафили бўлиб, адресли ижтимоий саѐсатни
мазкур мақсадга йўналтириб туради.
Бундай ѐрдам кўрсатиш учун ўз-ўзини бошқариш
органлари зарур
ресурслар билан таъминланади. Маҳаллаларда республика ва маҳаллий
бюджетлар, шунингдек, корхона ҳамда ташкилотлар, тадбиркорлик
тузилмалари ва айрим фуқаролар кўнгилли равишда ўтказган пуллар ҳисобидан
махсус фондлар ташкил қилинган.
Ваколатли ва ижроия ҳокимият маҳаллий органлари ўзларига қарашли
ҳудудда аҳолининг биринчи навбатдаги эҳтиѐжларига биноан, ижтимоий ѐрдам
тадбирларига аниқлик кирита боради. Уларнинг асосий ташвишларидан бири -
ижтимоий-ишлаб чиқариш кўмакчи тузилмаларини ривожлантиришдан, яъни
газ, сув қувурларини, электр ва телефон тармоқларини ўтказишдан иборат.
Фақат шундай шароитдагина иш ўринларини
вужудга келтириш, янги ишлаб
чиқариш корхоналарини ташкил этиш, хизматлар соҳасини жадал
ривожлантириш, бинобарин, ижтимоий муаммолар кенг мажмуини ҳал этиш
мақсадида энг чекка қишлоқларга зарур сармояни жалб этиш мумкин.
Ҳокимият ва ўз-ўзини бошқариш органлари аҳолининг ночор тоифалари учун
умумдавлат ѐрдам дастурлари
амалга оширилишини таъминлаб, минтақа
имкониятларини ҳисобга олган ҳолда шу қатламларга мадад бериш юзасидан
қўшимча чоралар кўриш ҳуқуқини олган.
Do'stlaringiz bilan baham: 
