Z. D. Rasulova, Sh. H. Quliyeva, A. R. Jo‘rayev texnologiya fanini o‘qitish metodikasi

22.2.
 
Ustaxonada o‘qituvchining ish o‘rnini tashkil etish
Texnologiya o‘qituvchisining ish joyi ish stoli, ko‘rgazma qurollarini 
saqlash uchun javonlar, namoyish qurilmalari, sinf taxtasi, texnika vositalari bilan 
jihozlangan o‘quv-metodik qo‘llanma, adabiyotlar, o‘quv ko‘rgazma qurollari, 
asbob va moslamalar bilan jihozlanadi. O‘quv ustaxonalaridagi asbob-uskunalar 
(dastgohlar, stanoklar, mashinalar, stollar va boshqa buyumlar) shunday tartibda va 
o‘qituvchining ish joyidan shunday uzoqlikda joylashishi kerakki, o‘quvchilar ish 
vaqtida o‘z gavdalarini to‘g‘ri tutishlari uchun shart-sharoitlar yaratilishi, 
o‘qituvchining gaplari va o‘quvchilarning javoblari yaxshi eshitilishi kerak. 
Ustaxonadagi dastgohlarning miqdori ozroq bo‘lishi, lekin shu bilan birga 
o‘quvchilarning texnologiya ta’limi dasturlarida u yoki bu mavzuga ajratilgan vaqt 
hajmida oraliq grafik asosida to‘xtovsiz ishlashini ta‘minlashi zarur. Barcha ehtiyot 
asboblar va moslama asboblar turadigan korxonalarda shunday tartibda saqlanishi 
kerakki, ulardan har birini topish uchun o‘qituvchi juda oz vaqt sarflasin. Masalan, 
parma, o‘lchov asboblari, plankalar tegishli o‘lchovlar yozib qo‘yilgan qutichada 
joylashgan bo‘lishi, ancha og‘irroq moslamalar pastki javonlarda, birmuncha 
yengillari yuqoriroqda turishi kerak. Omborxonada barcha materiallar va ishga 
yaroqli chiqindilar markalari, sortlari, o‘lchovlari va turlariga qarab ajratilishi va 
shunday joylashishi kerakki, oldiga boriladigan yo‘l qulay hamda to‘siqsiz bo‘lsin. 
Ko‘rgazma qurollari (plakatlar, sxemalar, jadvallar, maketlar, mavzuli 
ko‘rsatmali shitlar, buyumlarning namunalari) saqlash uchun yozilgan va tartib 
nomeri qo‘yilgan tegishli yashiklar va tortmalar boiishi lozim, bu hol 
o‘quvchilarga istalgan vaqtda o‘z vaqt sarflab kerakli qollanmani topa olishiga 
imkon beradi. Texnologiya ta’limi o‘qituvchisining ish joyida mehnat usullarini, 
ko‘rsatmali qurollarni, shuningdek, o‘quv filmlarini namoyish qilish uchun barcha 
sharoitlar yaratilishi kerak.