С а д р и д д и н а й н и й э с к и м а к т а б

соҳибидирлар,— деб эшикдан чиқди, тағин бошини эшикдан
суқиб, саройбонга қараб:
— Яна бу укамиз, ўзингизми, касал-пасал бўлиб қолсангиз,
фақирни чақирасиз-да,— деб таъкидлади.
Саройбон:
— Худо сақлағай,— деб юзини ундан ўгирди.
ХУШ
ҒАРИБЛАР ОҚШОМИ (ШОМИ ҒАРИБОН)
Бир дам олиш куни Андижонда ишлайдиган тожиклар Сангин-
нинг чақириши билан Одина бошига йиғилдилар, касалдан ҳол-
аҳвол сўрагандан кейин ўзаро кенгашиб, табдили ҳаво учун уни
Тошкентга узатмоқчи бўлдилар; ўз ўрталаридан ёрдам йўли
билан бир неча сўм йиғиб, ўша куннинг эртаси куни вокзалга
чиқардилар. Тошкентгача темир йўл билети олиб, уни Андижон —
Тошкент вагонига ўрнаштириб узатдилар. Билетдан ортган пулни
йўл харжи учун қўлига топширдилар.
Одина бир кеча-кундузда Тошкентга етиб, ноездан тушди.
Аммо қаёққа борувини билмас эди: йўловчиларнинг орқасидан
эргашиб залдан ўтиб, трамвай томонга чиқди. Йўловчиларнинг
баъзилари трамвай билан, баъзилари арава билан, баъзилари
пиёда бир томонга — шаҳар томонига қараб жўнайвердилар.
1 Бизнинг табиб «сарсабил» деган захм касали учун қайнатилиб ичиладиган 
бир дорини, қизил чўлда «саксовул»га иштибоқ қилганга ўхшайди.(А.)
2 Ба чи маъни — қайси маънода.
3 
Сулаймон шайх Андижонда ҳам савдо, ҳам дуохонлик қиладиган бир 
афгон эди.
* К а ш ф и қ о б у л — кашфи қолуб ё кашфи қубур дегани бўлса керак.
56
www.ziyouz.com kutubxonasi

---

Одина йўлчиларга қанча термилиб қараса ҳам уларнинг ҳеч
бириси бунга қарамас, ҳатто: «Шундай кимсасиз, уйсиз бир
ғариб бунда ҳайрон бўлиб қолибди», деб эсига ҳам олмас эди.
Ниҳоят, вокзал теварагида юк ташувчи ҳаммоллардан бошқа