Microsoft Word togaymurod otamdan qolgan dalalar lotin ziyouz com doc

 
3
Qizil sorbon bir dalalarim qaradi, bir men qaradi. 
«Mana, dalalaringga-da olib keldik, — demish bo‘ldi. — Xo‘sh, endi nima deysan?»— demish 
bo‘ldi. 
— Nu? — dedi Qizil. 
Qizil! Dalalarimda Ivan Ivanovichlik etmay tur, endi. 
Dalalarim bilan omon-esonlashib olayin, endi. 
Qizil! Dalalarimda Ivan Ivanovichlik etmay tur, endi. 
Ko‘nglim tub-tubida kuyuklarim bor, kuyuklarim... Kuyuklarimni dalalarimga yorayin, endi. 
Kuyukni kuyuk olsin, endi... 
 
4
Ivan Ivanovich! Men senga yuz o‘ttiz yil yurtim to‘rini berdim, yuz o‘ttiz yil uyim to‘rini berdim 
— ammo sen bilan el bo‘lmadim! 
Ivan Ivanovich! Men sen bilan yuz o‘ttiz yil yelkama-elka kun kechirdim, yuz o‘ttiz yil chizgan 
chizig‘ingdan chiqmadim — ammo sen bilan el bo‘lmadim! 
Yuz o‘ttiz yil tur desang turdim, o‘tir desang o‘tirdim, yuz o‘ttiz yil kul desang kuldim, yig‘la 
desang yig‘ladim — ammo sen bilan el bo‘lmadim! 
Ivan Ivanovich! Men yuz o‘ttiz yil o‘zim kiymadim — senga kiydirdim! 
Ivan Ivanovich! Men yuz o‘ttiz yil o‘zim kiymadim — senga kiydirdim, yuz o‘ttiz yil o‘zim 
yemadim — senga yedirdim, yuz o‘ttiz yil o‘zim ichmadim — senga ichirdim... ammo sen bilan el 
bo‘lmadim! 
Ivan Ivanovich! Men yuz o‘ttiz yil kofir to‘q — musulmon tinch, maqomda kun ko‘rdim... ammo 
sen bilan el bo‘lmadim! 
Dini boshqa minba’d-minba’d el bo‘lmaydi!

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
159
Tili boshqa minba’d-minba’d el bo‘lmaydi! 
Ivan Ivanovich! Sen tirigim tirnog‘in yeding, sen o‘ligim yog‘in yeding — ammo to‘ymading! 
Ivan Ivanovich! Men ochlikdan o‘lmadim — sen to‘qlikdan yorilmading! 
Ivan Ivanovich! Men seni yuz o‘ttiz yil to‘ng‘ich akam, dedim. Bo‘ldi — men endi sen to‘ng‘ich 
akam, demayman. 
Men endi seni to‘ng‘ich aka degich tillarimni kesib itga tashlayman! 
5 
— Nu? — dedi Qizil. 
Ivan Ivanovich! Dalalarimda nu-nulamay tur, endi. 
Dalalarim diydoriga to‘yib-to‘yib olayin, endi. 
Ivan Ivanovich! Sen dala nimaligini bilarmiding? Sen sadqai dala ket! 
Sen qo‘sh jomadon ko‘tarib daydishni bilasan. Sen g‘ildirakli jomadon sudrab daydishni bilasan. 
Sen qaysi yurt mevazor — shu yurtni makon etasan. Sen qaysi el mehnatkash—shu elni makon 
etasan. 
Ivan Ivanovich! Qaysi yurt mevali-chevali bo‘ladi — shu yurt sen uchun vatan bo‘ladi! 
Qator-qator deydib kelasanu... osoyishta-osoyishta el-yurtni alg‘ov-dalg‘ov etasan. 
Ota bilan bolani gij-gij etasan. 
Aka bilan ukani kov-kov etasan. 
Hamsoya bilan hamsoyani oqkaltak-qorakaltak etasan. 
O‘rtada maza-maza... Sen maza etasan! Sen o‘rtada payg‘ambar bo‘lib davron surasan. Sen o‘rtada 
qozikalon bo‘lib davron surasan. 
Ivan Ivanovich! Sen qadam qo‘ymish el-yurt aslo tinch-totuv bo‘lmaydi. Sen qadam qo‘ymish el-
yurt aslo tinib-tinchimaydi. 
Ivan Ivanovich! Sen ko‘zingga tuproq to‘lmaguncha — sen el-yurtga to‘ymaysan! 
6 
— Nu? — dedi Qizil. 
Ivan Ivanovich! Picha oyoq il, endi. 
Dalalarim bilan xayr-xo‘shlashib olayin, endi. 
Dalalarim bobolarim achchiq-achchiq ko‘z yoshlaridan dala bo‘ldi. 
Dalalarim otalarim sho‘rpeshona terlaridan dala bo‘ldi, 
Dalalarim ayollarim gulday hazon umridan dala bo‘ldi. 
Dalalarim — bobolarim sho‘r-sho‘r peshonasi. 
Dalalarim— otalarim yag‘ir-yag‘ir yelkasi. 
Dalalarim — ayollarim xazon-xazon umri. 
7 
Men... dalalarimni deya, qaytib kelaman! 
Tupkani tagidan bo‘lsa-da, qaytib kelaman! 
Ana shunda sho‘rtuproq dalamga a’lo nav paxta ekaman. Undan a’lo-a’lo tola olaman. 
Qumloq dalamga moy bergich paxta ekaman. Undan xushta’m-xushta’m paxtamoy olaman. 
To‘yimli-to‘yimli paxtamoy olaman. 
Oqtuproq dalamga oqlik mo‘l paxta ekaman. Undan yegulik oqlik olaman. Ichgulik oqlik olaman. 
Men qaytib kelaman! 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
160
Men hali dalalarimda elektr motorli traktorlar minib ter to‘kaman. Kun nuri bilan yurgich traktorlar 
minib ter to‘kaman. Olti g‘ildirakli traktorlar minib ter to‘kaman. 
Mazkur traktorlar qar-qarlamaydi — bilinar-bilinmay odimlaydi! 
Kabinasida barcha sharoitlar muhayyo bo‘ladi: mitti sovutgichi bo‘ladi. Mitti muzxonasi bo‘ladi. 
Mitti choy qaynatgichi bo‘ladi. Tayyoralardagiday chanoq-jo‘mragi bo‘ladi. 
Men qaytib kelaman. 
Yetti iqlimdan bo‘lsa-da, qaytib kelaman. 
Ana shunda paxtamni cho‘tkali-cho‘tkali mashina bilan yig‘ib-terib olaman. 
Mashina bilan bir oralaboq terib olaman. Boshqa qaytib dala oralamayman. 
Yig‘im-terimni bosh-adoq bir mashina bilan bajaraman. Bir vaqtni o‘zida bajaraman. 
Mashina a’lo tola paxtamni alohidalaydi, mundayroq tola paxtamni alohidalaydi. 
Ayni vaqtda paxtamni xas-cho‘pdan pokizalaydi. Chang-g‘ubordan forig‘laydi. 
Tolani bir yoqli etadi, chigitni bir yoqli etadi. 
Paxtamni o‘zi taxlaydi, o‘zi toylaydi. Toylarni yuk mashina joylaydi. 
Yuk mashina paxtamni dalalarimdan fabrika olib jo‘naydi. 
Men qaytib kelaman. 
Yetti qavat yerni ostidan bo‘lsa-da, qaytib kelaman. 
Men dalalarimni deya, qaytib kelaman. 
Meni dalalarim qaytarib keladi... 
1986—1991 yillar.