Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
252
Dedi: Kishvar beray, kech bu havasdin! 
Dedi: Bechora, kech bu multamasdin! 
Dedi: Ishq ichra qatling hukm etKim! 
Dedi: Ishqida maqsudumg‘a yetKim. 
Dedi: Bu ishda yo‘q sendin yiroq qatl! 
Dedi: Bu so‘zlaringdin yaxshiroq qatl. 
Nechakim bo‘ldi mushkil so‘z xitobi, 
Base oson anga yetti javobi. 
Chu Xusrav ko‘rdi bu yanglig‘ tahavvur, 
Takallum aylamak sochqon kibi dur. 
Bir o‘t tushti ichiga bexudona 
Ki, otashgohidek chekti zabona 
Ki, mendek shahg‘a mundoq razl duni. 
Ayog‘din-boshqa band ichra zabuni. 
Hayotining niholig‘a sinib shox, 
Javob aytur ne so‘rsam bo‘yla gustox. 
Siyosat qilg‘uluqdur bu fidoyi 
Ki, har bir tog‘ ila vodi gadoyi 
Yana ko‘rguzmagay bexavfu dahshat, 
Salotin xizmatida so‘zga jur’at. 
g‘azab birla buyurdi shohi g‘addor 
Ki, urdilar hisor ollinda bir dor. 
Keyin bog‘lab qadog‘liq qo‘llari rust, 
Borib chekmaklik oni dorg‘a chust. 
Chekilgach, o‘ylakim abri bahoron, 
Ulus qilmog‘lig‘ oni tirboron. 
Necha kun turmoq ushbu hol birla, 
Ko‘rub xalq oni bu ahvol birla. 
Aning holidin olmoq borcha ibrat, 
Gadolar qilmasun deb shahg‘a shirkat. 
Necha kundin so‘ng o‘t aylab furuzon, 
Tamug‘ o‘ti kibi tafsonu so‘zon. 

---

Alisher Navoiy. Farhod va Shirin