Iqtisodiy bilim asoslari

Buni yodda tuting!
• 
Mamlakatimizdagi soliq tizimi majburiylik,
aniqlilik,
adolatlilik,
yagonalik,
oshkoralik va soliq to‘lovchining haqligi tamoyillariga asoslanadi.
• 
Soliq stavkalari soliqqa tortiladigan daromad obyektining xususiyatiga ko‘ra, 
proporsional, progressiv, regressiv tarzda belgilanadi.
SOLIQQA TORTISHNING ASOSIY TAMOYILLARI
Soliq to‘g‘risidagi barcha qonun hujjatlari quyidagi tamoyillarga asoslanadi:
– 
majburiylik
, bu tamoyilga asosan soliqlar barcha fuqarolar uchun majburiy to‘lov 
hisoblanadi;
– 
aniqlilik
tamoyiliga ko‘ra, soliq va boshqa majburiy to‘lovlarni qachon, qancha 
miqdorda hamda qay tartibda to‘lash tushunarli tarzda ifodalangan bo‘lishi lozim;
– 
adolatlilik
tamoyiliga asosan soliq solish umumiy bo‘lib, soliq tizimida imtiyozlarni 
belgilash ijtimoiy adolat tamoyillariga mos bo’lishi hamda shaxsni kamsitishga yo‘l 
qo‘yilmaydi;
– 
yagonalik
tamoyiliga ko‘ra, soliq tizimi O‘zbekiston Respublikasining butun hududida 
barcha soliq to‘lovchilarga nisbatan yagona hisoblanadi;
– 
oshkoralik
tamoyiliga ko‘ra, soliq solish masalalarini tartibga soluvchi har qanday 
me’yoriy-huquqiy hujjatlar rasmiy nashrlarda e’lon qilinishi shart;
– 
soliq to‘lovchining haqligi 
tamoyiliga ko‘ra, soliqqa oid hujjatlarda aniqlangan har 
qanday noaniqliklar soliq to‘lovchi foydasiga hal qilinadi.