3 McCarthy, O'Dell English vocabulary in use pdf

 
8.3.Техник таҳлилнинг моҳияти ва мақсади. 
Техник таҳлилнинг асосий вазифаси лойиҳа мақсадига тўғри келадиган технологияларни 
аниқлашдир. Бундан ташқари ушбу таҳлилда лойиҳанинг капитал, хом-ашё ва иш кучи 
билан таьминланишига таьсири аниқланади. 
Инвестицион лойиҳалар устидан ишлашда техник таҳлилни биринчи навбатда ўтказиш 
лозим. Унда техник режанинг муаммолари альтерниваси, харажатлар ва лойиҳани амалга 
ошириш графиги кўрсатилиши лозим. Лойиҳанинг ўлчамлари, таркиби қарийиб барча ҳо-
латларда ўзгарувчан миқдордир ва уларни лойиҳани ишлатиш давомида ҳисоблаш лозим. 
Саноат ва ва қишлоқ хўжалик ишлаб чиқариши учун лойиҳа ўлчамлари уларнинг 
маҳсулотларга бўлган талаб орқали аниқланади. 
Қолган ҳолларда лойиҳа ўлчамлари биринчи навбатда лойиҳани амалга оширувчи 
ташкилотларнинг имкониятларига боғлиқ. 
Кўпчилик лойиҳалар бир қатор компонентлардан ташкил топган. Масалан қишлоқ 
хўжалигини ривожлантириш лойиҳаси суғориш, дрена, қишлоқ хўжалиги учун керакли 
меҳнат воситаларини ишлаб чиқариш ва хўжалик инфраструктураларини қуриш каби бўлим-
лардан ташкил топган бўлиши мумкин. Шунинг учун техник таҳлилнинг асосий 
вазифаларидан бири лойиҳадаги компонентларнинг ўзаро нисбатини аниқлашдан иборатдир. 
Техник таҳлилда лойиҳанинг жойланиши ҳам муҳим аҳамиятга эга. Лойиҳа учун энг 
яхши жойланиш, соф фойдани кўпайтирувчи жой ҳисобланади. Масалан саноат
корхоналари хом-ашё базасига, энергия манбаига ва сотиш бозорига яқин жойда қурилиши
лозим. Бу ерда ҳар бир вариант ўзининг афзалликлари ва камчиликларига эга. Аммо 
танланган вариант соф фойдани максималлаштиришни таьминлаш керак. 
Лойиҳа тайёрлашда капитал харажатларни қоплаш муддатига ҳам катта эътибор 
берилиши лозим. 
Техник таҳлил лойиҳани амалга ошириш графигини текшириш билан тугайди. 
Умуман қилиб олганда техник таҳлил ким, қачон ва нимани амалга оширади деган 
саволга бериши лозим.