Toshkent tibbiyot akademiyasi huzuridagi harbiy-tibbiyot fakulteti

Texnik xizmat ko„rsatish va front orti bo„linmalari
hujum boshlangunga 
qadar qurol-aslaha hamda texnikaga texnik xizmat ko„rsatilishi va ularning 
ta'mirlanishi, o„q-dori, yonilg„i va boshqa moddiy vositalar zaxiralarining 
to„ldirilishini ta'minlashi kerak. Yaradorlar va bemorlar bo„linmalarning tibbiyot 
punktlaridan evakuatsiya qilinadi.
3.1. Hujum jangiga hozirlik ko„rish 
Hujum jangiga hozirlik ko„rish motoo‟qchi batalyon (vzvod) komandiri 
jangovar vazifani olgandan so„ng boshlanib, qoidaga ko„ra, quyidagilarni o„z 
ichiga oladi: hujumni tashkillashtirish (qaror qabul qilish, joyni ko„rib 
chiqish,bo„linmalar oldiga jangovar vazifalar qo„yish, o„t ochib dushmanga shikast 
yetkazishni tashkillashtirishni, hamkorlikni, jangning har tomonlama ta'minotini va 
boshqa tadbirlarni); motoo‟qchi batalyon shtabi va bo„linmalarni qo„yilgan 
vazifalarni bajarishga tayyorlash; boshlang„ich (kutish) hududini (pozitsiyasini) 
tayyorlash va egallash, bo„linmalarning jangga tayyorligi ustidan nazorat va 
boshqa tadbirlar.
Dushman bilan bevosita to„qnash kelish holatidan hujum qilish vaqtida 
motoo‟qchi batalyon (vzvod) komandiri jangni tashkillashtirish bo„yicha ishning 
katta qismini (qaror qabul qilish, joyni ko„rib chiqish, jangovar vazifalarni qo„yish, 
o„t ochib shikast yetkazish va hamkorlikni tashkillashtirish) tabiiy joyda amalga 
oshiradi. Boshlang„ich hudud (boshlang„ich pozitsiya) egallanishi bilan 
motoo‟qchi batalyon (vzvod) komandiri kuzatuv va qo„riqlash xizmatini 
tashkillashtiradi, vzvodlar (jangovar, tankchi guruhlar) va o„t ochish vositalarining 
oldiga dushmanning ehtimoliy hujumini, shuningdek, uning aviatsiyasi va 
aeromobil guruhlarining zarbalarini qaytarish bo„yicha vazifalar qo„yadi, 
boshlang„ich hududni (boshlang„ich pozitsiyani) muhandislik nuqtai nazaridan 
jihozlash bo„yicha ko„rsatmalar berib, bunda u yerdagi muhandislik inshootlarining 
puxta niqoblanganligi hamda dushmanning ommaviy qirg„in quroli va o„ta aniq 

---

136 
qurolining ta'siridan himoyalanish bo„yicha tadbirlarning bajarilishiga alohida 
e'tibor qaratadi.
Ichkaridan chiqib hujum qilish vaqtida motoo‟qchi batalyon (vzvod) 
komandiri, odatda, xarita yoki tabiiy joy maketi asosida qaror qabul qiladi va 
bo„linmalar oldiga vazifalar qo„yadi, kelgusida esa u joyni ko„rib chiqish, jangovar 
buyruq berish, shuningdek, o„t ochib shikast yetkazish va hamkorlikni 
tashkillashtirishni bevosita tabiiy joyda amalga oshiradi. Motoo‟qchi batalyon 
(vzvod) komandiri bo„ysunuvchi vzvodlarning (jangovar, tankchi guruhlarning) 
komandirlari bilan tabiiy joyga chiqish imkoniyatiga ega bo„lmagan holatda u 
jangni tashkillashtirish bo„yicha ishlarning barchasini xarita yoki tabiiy joy maketi 
asosida amalga oshirib, bunda u bo„linmalar hujumga o„tish marrasi tomon chiqib 
borayotganda va hujum boshlanishi bilan ularning jangovar vazifalari va hamkorlik 
tartibiga aniqlik kiritadi.
Motoo‟qchi batalyon (vzvod) komandiri vazifaga aniqlik kiritish, vaziyatni 
baholashdan chiqarilgan xulosalar, amalga oshirilgan taktik hisob-kitoblar asosida 
qaror qabul qiladi.
Qarorning asosini