Qosimova feruza xursanali qizi

Uchinchi bob yuzasidan xulosalar 
Nutq malakalarini “Chet tilda nutq faoliyati turlarini egallaganlik tadrijiy 
saviyasiga qo’yiladigan talablar” deb qabul qilish ma’qulroqdir. Og’zaki nutq 
bo’yicha yakkanutq va juftnutq, o’qish hamda tinglab tushunish malakalari 
ko’rsatkichlari o’qitish metodikasida batafsil yoritilgan. 
Ko’nikma va malaka haqidagi ilmiy-psixologik ta’limotni chet til o’qitish 
amaliyotiga tatbiq etganda nutqning leksik, grammatik, talaffuz ko’nikmalarini 
shakllantirish zarurligi va avtomatlashgan lisoniy ko’nikmalardan nutqiy malaka 
hosil qilish mumkinligini e’tirof etish o’rinlidir. Malakaning mahsuli sifatida 
reproduktiv (gapirish, yozuv) va retseptiv (tinglab tushunish, o’qish) nutqiy 
malakalarni hosil qilishga til materialini qo’llash tufayli erishiladi. Mazkur ishda 
o’rta maktab va nofilologik oliy o’quv yurti o’quvchi va talabalari egallagan, 
yangidan hosil qilinadigan ko’nikma va malakalarni takomillashtirish tadqiqot 
predmeti qilib olingan.
Turli o’quv yurtlari chet til o’qitish mazmunidagi uch tarkibiy qismning 
nomlanishi umumiy bo’lishi, yuzaki o’xshashligidan qat’i nazar, ularning miqdor 
va sifat ko’rsatkichlari keskin farq qiladi. Ta’lim mazmunini o’zlashtirish jarayoni 
u yoki bu sharoitda o’ziga xos kechadi.
Ingliz tili o’qitish mazmuni, avvalo, o’quv dasturlarida o’z aksini topadi, 
ya’ni nimalarga erishish kerakligini, o’quvchilar nimalarni gapirishlari, tinglab 
tushunishlari, o’qish-yozishlari, ularning nutqiy ko’nikma va malakalarining sifati, 
tilning leksik, grammatik va talaffuz minimumini qay darajada o’zlashtirish 
lozimligi o’quv dasturida ko’rsatib beriladi hamda o’quv materiali sifatida 
darsliklar va o’quv qo’llanmalarida taqdim etiladi. 

---

75