Zahiriddin muhammad bobur nomidagi andijon davlat universiteti

1.2. Kasb psixologiyasi muammolari  

Mustaqil  O‘zbekistonning  kelajagi  bo‘lgan  sog‘lom  avlodni  tarbiyalash  nozik,  nihoyatda 

katta diqqat etiborni talab qiladigan jarayondir. Shunday ekan, o‘qituvchi talabaning shakllanish 

jarayonini  zo‘r  havas  va  sinchkovlik  bilan  kuzatishi  lozim.  mustaqil  O‘zbekistonni 

rivojlantirishning  ma’naviy-axloqiy  negizlari,  axloq,  kasb  etikasining  shakllanishi  va 

rivojlanishi,  vatanparvarlik,  mehnatsevarlik,  insonparvarlik  haqidagi  bilim,  ko‘nikma  va 

malakalar rivojlanadi. 

O‘quvchilarda uning huquqlaridan biri bo‘lgan har bir kishi o‘zi xohlagan kasbini tanlash 

imkoniyatlarini  ro‘yobga  chiqarish,  kasblar  haqida  yoshlarga  keraklicha  ma’lumot  berish, 

ularning  kelajakda  o‘z  kasbining  mahoratli  egasi  bo‘lib  yetishishini  ta’minlashdan  iborat. 

Kasbga  yo‘naltirish deganda, talabalarga (shaxsga) o‘z qobiliyati, qiziqishlari, imkoniyatlari va 

ijtimoiy ehtiyojlarni hisobga olgan holda ongli ravishda kasb tanlashga yordam berishdan iborat 

faoliyat tushuniladi. 

Kasbga  yo‘naltirish  o‘quvchi  shaxsi,  barkamol  inson  rivojlanishi,  manfaatlar,  qiziqishlarni 

amalga  oshirish  muhiti,  harakatlantiruvchi  mexanizmlar  bilan  bog‘liqdir.  Kasb  tanlash  inson 

hayotidagi muhim qadamlardan biridir. Odatda insondan hayotimizdagi asosiy qadriyatlar nima 

deb  so‘ralsa,  u  “sevimli  insonlar”  va  “sevimli  ishim”deb  javob  beradi.  Shuning  uchun  kasb 

tanlashda  adashishkechirilmas  xato.  Ko‘p  hollarda  bu  xatolik  inson  o‘z-o‘zini  yaxshi 

bilmasligidan kelib chiqadi. Ko‘ngilga yoqadigan ish topish va bu ishda  muvaffaqiyat qozonish 

uchun,  avvalambor  o‘zining    xohish  va  moyilligini  aniqlab  olish  kerak,  keyin  shunday  kasb 

tanlash  kerakki  uning  xohish,  moyilligiga  mos  tushishi  kerak.  Har  qaysi  insonda  turli  layoqat, 

temperament,  yashashdan  maqsadi  bo‘ladi.  Ba’zi  birlar  butun  bir  korxonani  muvaffaqiyat bilan 

boshqaradilar,  boshqalar  uchun  esa  bitta  mas’uliyatli  qaror  qabul  qilish  ham  azobli  kechadi. 

Bundan shunday xulosa kelib chiqadiki, bir odamga to‘g‘ri kelgan kasb  ikkinchi insonga to‘g‘ri 

kelmasligi mumkin.  Hayotda  xohishi,  qiziqishi, layoqati,  qadriyatlar  tizimi,  mobilligi, xarakteri 

bir-biriga  to‘la  mos  keladigan  insonlar  yo‘q,  faqat  o‘xshash  insonlar  bor,  ya’ni  ularning 

ko‘pchiligida shaxs tipi (turi) bir-biriga to‘la mos tushadi. Bu o‘xshashlik har qaysi odam uchun 

qaysi sohada muvaffaqiyat qozonish, qaysinisida esa ishlolmasligi haqida tasavvurga ega bo‘lishi 

kerakligi  uchun  muhim  shart-sharoitdir.  Bugungi  dolzarb  muammolardan  biri  o‘quvchilarni 

kasb-hunarga  yo‘naltirish,  psixologik  –  pedagogik  tashxis  ishlari  samaradorligini  oshirish  va 

maxsus  ehtiyojga  muhtoj  bolalarning  jamiyat  ehtiyojidan  kelib  chiqib,  kasb-hunarga  to‘g‘ri  va 

ongli  ravishda  yo‘naltirish  masalalarini  qamrab  olgan  amaliy-  uslubiy  yordam,    yo‘naltiruvchi 

tavsiyalar  berish  zarur.  Kasb-hunarga  yo‘naltirish  ishlari  butun  pedagog    jamoaning,  mahalla 

ahlining,  oilaning,  barcha-  barchaning  ishidir.  Kasblarni  to‘g‘ri  va  ongli  tanlashda  pedagog  va  

 

10 

psixologlarning o‘rni ahamiyatlidir.Shu jumladan, psixologlar “Kasb tanlash motivini aniqlash”, 

”Xolland”,  D.D.S.,  ya’ni  Differensial-diagnostik  so‘rovnoma,  “Qiziqishlar  xaritasi”  kabi 

metodikalarni  o‘tkazgandan  so‘ng,  boladagi  qiziqish,  moyilliklari,  layoqatlari,  motiv  va 

qobiliyatlari  namoyon  bo‘ladi.  Bolalardagi  qiziqish,  qobiliyat  aniqlangandan  so‘ng,  bolani  shu 

tanlagan kasbi bo‘yicha yo‘naltirish  lozim, chunki boladagi bor layoqat, qobiliyat rivojlantirilsa, 

u  o‘z  kasbining  ustasi,  mahoratli  kasb  egasi  bo‘lib  yetishadi.  Ingliz  bioximigi  S.Rouz,  kishi 

qobiliyatining  rivojlanishi  uchun  to‘siqlar  biologiyaga  qaraganda,  sotsial  sharoitda  ko‘proqdir 

deb ta’kidlaydi.  Ingliz psixologi D.Kidjin ham aynan shunday xulosaga kelib, tarbiyaning kishi 

intellektual rivojlanishiga hal qiluvchi ta’siri haqida so‘z yuitiladi.  

Ikkinchi  konsepsiyaning  vakillari  qobiliyatni    butunlay  hayot  va  tarbiyaning  sotsial 

sharoiti  belgilaydi,  deb  uqtiradilar.  Masalan,  Gelvetsiy    o‘z  vaqtida,  tarbiya  yordamida  geniy 

yaratsa  bo‘ladi,  degan  edi.  Hozirgi  zamon  olimlaridan  amerikalik  U.Eshbi,  kishining  qobiliyati 

yashab  turgan vaqtida stixiyali ravishda  o‘z-o‘zidan  va  ongli ravishda  ta’lim-tarbiya jarayonida 

shakllanadi,  shularning  natijasi  o‘laroq  masalalarni  yechish  uchun  tegishli  dastlabki  rejalar  va 

programmalar  vujudga  keladi,  deb  ta’kidlaydi.  Ijodiy    programma  va  zo‘r  ishchanlik  qobiliyati 

mavjud bo‘lsa, faoliyatda eng yuksak yutuqlarga erishiladi. 

Masalan  Firmen,  qobiliyat  muhitga  bog‘liq,  deb  hisoblaydi.  Muvaffaqiyatli  faoliyatning 

eng muhim shartlaridan  biri tasvirlayotgan  narsangga  nisbatan  muhabbatingdir,  deb  yozgan  edi 

mashhur  rassom  Yu.Neprinsev.  Mashhur  peyzajchi,  tabiat  kuychisi  V.V.Meshkov  ham  ana  shu 

fikrda  edi.  Rassomga  fidokorlik,  ijod  o‘tida  yonish  zarurdir.  Agar  bu  o‘t  kuchli  bo‘lsa,  rassom 

ehtirosli  va  hayajonlantiruvchi  rasm  ishlashni  oxiriga  yetkaza  oladi,  chunki  asar  nafaqat  aql  va 

o‘tkir kuzatuvchanlik bilan, balki ishga halol munosabatda bo‘lish bilan bunyod etiladi.  

I.Repin  rassomlikka  shunchalik  ehtiros  bilan  berilib  ketgan  ediki,  hatto  mehmonlar 

huzurida  dam  olayotganida  ham  qalami  qo‘lidan  tushmas  edi.  O‘ng  qo‘li  charchab  qalam 

tutishga majoli kelmay qolganda u rasmni chap qo‘li bilan chizishga o‘tar edi. Ajoyib peyzajchi 

V.V.Kraynov  og‘ir  kasallikka  duchor  bo‘lgan  edi:  oyoqlari  qariyb  harakatga  kelmas,  qo‘llari 

uchun  esa  mo‘yqalam  ham  og‘irlik  qilardi,  ammo  u  naturadan  rasm  chizar,  mo‘yqalamni 

barmoqlari  orasida  zo‘rg‘a  qisib  turar,  hatto  tushib  ketmasin  deb  uni  qo‘llariga  bog‘lab  ham 

qo‘yar  edi.  V.V.Kraynov  tabiatga  bo‘lgan  muhabbatini  asarlariga  ko‘chira  olgan,  bu  esa  unga 

ishlash  uchun  madad  bergan.  Berilib  ketish,  ishga  ehtirosli  munosabatda  bo‘lish,    faoliyatning 

sotsial  mohiyatini  tushunish    bilan  bog‘liqdir.  Shuning  bilan  birga,  tabiat  va  ijtimoiy  hayot 

hodisalari,  inson  ijodiy  aks  ettirish  faoliyatining  ob’ektlari  sifatida,  shaxsga  qanchalik  kuchli 

ta’sir  qilishi  bilan  ham  bog‘liqdir.  Ta’sirning  va  emotsional  ta’sirchanlikning  kuchi  esa  bir 

tomondan,  shaxsdagi  hissiyotga  beriluvchanlikning  o‘tkirligi  bilan  bog‘liqdir.  Ma’lumki,  bir 

kishiga  turli  ob’ektlar  turlicha  ta’sir  qiladi,  lekin  shuni  ham  esdan  chiqarmaslik  kerakki,  bir 

ob’ekt  turli  odamlarda  kuchi  va  xarakteri  jihatidan  turlicha  taassurot  hosil  qilishi  mumkin.  Oy 

chiqishini  ko‘rganda  ko‘pchilik  odamlarning  ko‘ziga  yosh  kelishi  ehtimoldan  uzoq,  vaholanki, 

haqiqiy  rassom  Kulindji  nihoyatda  qattiq  zavqlanar  va  yig‘lab  yuborar  edi.  Mana  shu  konkret 

holda  qobiliyatning  komponentlaridan  biri    rassom  ko‘ra  bilishi  va  ichki    yechinmalarining 

o‘tkirligi  va  o‘ziga  xosligidan  iborat  bo‘lib,  u  emotsional  ta’sirchanlikning,  ob’ektga  va  bu 

ob’ektni  badiiy  ifodalashga  qaratilgan  faoliyatga  berilib  ketishning  chuqurligi  va  kuchi  bilan 

bog‘liqdir.  Emotsiyalar,  his-tuyg‘ular  shaxs  aktivligining,  jumladan,  ijodiyotning  energiya 

manbaidir.    I.P.Pavlov,  emotsiyalar  bosh  miya  qobig‘iga  quvvat  berib  turadi,  uning  faoliyatini 

tetiklantiradi,  deb  ko‘rsatgan  edi.  Emotsiyalarni,  o‘zi  reaksiyaga  kirishmay  sintezga  yordam 

beradigan katalizatorlarga o‘xshatsa bo‘ladi.  

Akademik  O.Baroyan,  “Olimning  muammoga  nisbatan  xuddi  shu  shaxsiy  emotsional 

munosabati unga aynan boshqalar payqamagan narsalarni ko‘rish imkonini beradi”, deb yozadi. 

Ijobiy emotsiyalar qobiliyatni aktivlashtiribgina qolmay, uning ro‘yobga chiqishi uchun optimal 

sharoit  yaratadi.  Masalan,  ilhomlanishdan  iborat  bo‘lgan  emotsional  holat  hamma  vaqt  shaxs 

qobiliyati  potensial  kuchlarining  aktual  kuchlarga  aylanishiga  yordam  beradi:  Ilhom  kelganda 

kishilar  favqulodda  katta  ish  qiladilar.  Qobiliyatli  kishi  bilim  va  malakalarni,  kasbni  oson  va 

tezda egallab olish bilan birga, u qiziqishi tufayli katta ishchanlik ko‘rsatadi, bu esa uning o‘qish 

 

11 

va mehnatining yanada samaraliroq bo‘lishi uchun qo‘shimcha imkoniyatlar tug‘diradi. Qiziqqan 

kishi hamma kuchi va vaqtini o‘zi sevgan ishiga bag‘ishlaydi. Aks holdagi faoliyat g‘ayri tabiiy 

va  mantiqsiz  bo‘lar  edi.  Ko‘pgina  iste’dodli  kishilar  o‘z  muvaffaqiyatlarini  baholaganda 

mehnatsevarlik  va  ishchanlikni  birinchi  o‘ringa  qo‘yganlar.  Edison  o‘z  muvaffaqiyatlarida 

iste’dodning va mehnatning rolini baholar ekan, bunda faqat 1 foizgina geniy bo‘lsa, 99 foiz ter 

to‘kish  bo‘lgan,  degan  edi.  Tamomila  ravshanki,  hamma  buyuk  kishilar  bag‘oyat 

mehnatsevarlikka  va  kata  ishchanlikka  ega  bo‘lganlari  holda,  hatto  nerv  sistemalari  tabiiy 

kuchsiz  bo‘lsa-da  sub’ektiv  ravishda  o‘z  yutuqlarini  qobiliyat  emas,  balki  mehnatdan  deb 

baholaganlar.  Mehnatsevarlik  ishchanlikning  asosidir  deyish  mumkin,  bundan  kelib  chiquvchi 

ishchanlik  va  zo‘r  berib  ishlash  esa  sermahsul  faoliyatning  asosi,  ya’ni  qobiliyatning  namoyon 

bo‘lishi va rivojlanishi uchun zamindir. Hatto kishi asosiy hayotiy faoliyat sifatida bitta muayyan 

faoliyatni tanlab olganda ham bu faoliyatda yuksak muvaffaqiyatlarga erishishiga har tomonlama 

rivojlanganligi  sabab  bo‘ladi.  Ko‘pchilik  yirik  yozuvchilar,  yuqorida  ko‘rsatilgandek,  faqat 

professional  yozuvchi  sifatida  mashhur  bo‘lganlar,  lekin  ular  yanada  aniqroq,  jonliroq,  yorqin 

adabiy  obrazlarni  yaratishga  yordam  beruvchi  vosita  sifatida  rasm  solishga,  rassomlikka  va 

muzikaga murojaat  qilganlar  (A.S.Pushkin, M.Yu.Lermontov  va boshqa  ko‘pgina  yozuvchilar).  

Masalan,  Repinning  musiqani  tushunishi  va  uni  ehtiros  bilan  sevishi,  yorqin  badiiy  kartinalar 

yaratishida  musiqiy  obrazlar  unga  yordam  bergani  bizga  ma’lum.  Kishining  har  tomonlama 

rivojlangan  bo‘lishi  o‘z  imkoniyatlarini  to‘g‘riroq  baholash va  shunga  muvofiq  ravishda  asosiy 

faoliyatini  aniqlab  olishga  imkon    beradi.  Bundan  tashqari,  u  hamma  qobiliyatlarning 

rivojlanishini  ta’minlaydi,  ular  hammasi    birgalikda  hatto  bitta  muayyan  faoliyatda  bitta 

qobiliyatning  mazkur  faoliyatda  bergan  samarasiga  qaraganda,  haddan  tashqari  yuqori  samara 

beradi.  

Agar  qobiliyat-bu  shaxs  xususiyatlarining  “ansambli”      bo‘lsa,  iste’dodning  oliy 

darajalari-talantlik  va  geniallik-odamning  yuksak  darajada  rivojlangan  qobiliyatlari  “ansambli” 

bo‘ladi.  Qobiliyatning  eng  yuqori  darajasi  “talant”  deb  ataladi.  Talant  –  insonga  qaysidir 

murakkab  faoliyatni  muvaffaqiyatli,  mustaqil  va  o‘ziga  xos  tarzda  amalga  oshirish  imkonini 

beruvchi qobiliyat, tabiiy iqtidor hamohangligidir. Talant haqida xalqning o‘zida “Xudo bergan” 

degan  gap  bor.  O‘z  navbatida  tabiiy  iqtidor,  qobiliyat,  talant  hayotiy  kasbiy  tajriba  va  zo‘r 

mehnat  bilan  uyg‘unlashsa    mahorat  shakllanadi.  Agar  qobiliyatning  yuqori  darajada  namoyon 

bo‘lishi “talant” deb atalsa, talantning yuqori darajada namoyon bo‘lishi buyuklikdir. Buyuklik – 

bu  inson  ijodiy  kuchining  yuksak  darajada  namoyon  bo‘lishi.  Nemis  faylasufi  Shopengauer  bu 

haqda  shunday  deydi:  “Hech kim tekkiza olmagan mo‘ljalga  tekkizgan  mergan-  talantdir,  hech 

kim ko‘rmagan mo‘ljalga tekkizgan mergan - buyukdir”.  Maktab o‘quvchilari bir-birlaridan o‘z 

qobiliyatlari bilan  farqlanadilar.  Qobiliyat  notekis  rivojlanadi,  rivojlanishning  vaqtincha to‘xtab 

qolishi  ko‘pincha  jadal  rivojlanish  bilan  almashinadi.  Bu  hol    individuallashni,  maxsus 

pedagoglik  nazokatini  talab  qiladi.  Ba’zan  birovlarga  oshiqcha  talablar  qo‘yib,  qo‘shimcha 

topshiriqlar  berish  lozim,  boshqalarga  esa  yordam  berish  kerak,  toki  ularning  qobiliyati  tezroq 

rivojlanib,  bilimlar  bilan  yanada  to‘lsin,  kerakli  xususiyatlari,  kompensatsiyalovchi  (tiklovchi) 

mexanizmlari  shakllansin.  Shuni  esda  tutish  kerakki,  tani  sog‘,  psixik  jihatdan  sog‘lom  bolalar 

orasida  qobiliyatsizlari  bo‘lmaydi,  balki  ular  orasida  faqat  shundaylari  bo‘ladiki,  ularning 

nimaga  qobiliyatli  ekanini  biz  bilmaymiz.  Shu  sababli  bolalarni  sabot  bilan  o‘rganish  va  ular 

qobiliyatini baholashga optimistik ravishda yondoshish-qobiliyat tarbiyachisining zaruriy fazilati 

bo‘lib  hisoblanadi.  Qobiliyat  muayyan  izchillikda  namoyon  bo‘lishi  va  rivojlanishini  hayot 

tajribasi ko‘rsatib turibdi. Hammadan oldin musiqaviy qobiliyat ro‘yobga chiqadi, hamma buyuk 

musiqachilar  4-5  yoshidanoq  muvaffaqiyat  bilan  kuy  chalishni  bilar  edilar.    Undan  keyin  6-8 

yoshdan  rassomlik  qobiliyati  yuzaga  chiqadi.  Bu  yoshdagi  bolalarda  koloritli  original  rasm 

namunalari solishini kuzatish mumkin. Iste’dodli bolalarning rassomlik asarlari ko‘rgazmalarini 

o‘tkazish  dunyo  tajribasida  keng  tarqalgandir.  Demak,  ma’lum  tabiiy  imkoniyatlar  mavjud 

bo‘lganda  har  tomonlama  rivojlanganlik  chinakam  talant  va  geniallikning  rivojlanishi  uchun 

asosiy  shart-sharoitdir.  Hatto,  ochiq-oydin  tabiiy  imkoniyatlar  mavjud  bo‘lmaganda  ham, 

shaxsning  har  tomonlama  rivojlangan  bo‘lishi  kishi  qobiliyatining    o‘zi  tanlagan  yagona 

 

12 

faoliyatga  nisbatan  yuqori  darajada  rivojlanishi  va  faoliyatda  ancha  yuksak    ko‘rsatkichlarga 

erishishini  ta’minlaydi.  Biz  bolalarimizni  kasb  tanlashiga  befarq  bo‘lmasdan  maktab  psixologi, 

rahbariyati,  qolaversa  sinf  rahbarlari  bilan  tez-tez  uchrashib,  boladagi  moyillikni,  qobiliyatni 

rivojlantirishimiz  lozim.  Sinf  rahbarlari  ham  har  bir  o‘quvchisini  darslarda,  tashkiliy  ishlarda 

kuzatib, bolani o‘rganib, maktab psixologi va ota-onalar bilan 

hamkorlikda ish olib borishi lozim.  

Maktab  psixologi  olingan  test  natijalari  bilan  sinf  rahbarlari  va  o‘qituvchilarni  xabardor 

qilishi  va  kerakli  maslahatlarni  berib  borishi,o‘quvchilarni  o‘zida  bor  qobiliyat  va 

moyilliklaridan  xabardor  qilib  ikkilanishlar  oldini  olishi  lozim.  Kerak  bo‘lsa  ota-onalarni  ham 

test  natijalaridan,  bolalarining  bor  qobiliyatlaridan  xabardor  qilishi  darkor.  “Biz  o‘z  iste’dodli 

fidoyi  bolalarimizni  kasb    va  bilim  cho‘qqilarini  zabt  etish  uchun  qanot  berishimiz_kerak. 

O‘zbekiston  Respublikasi  “Kadrlartayyorlash  milliy  dasturi”da  belgilangan  vazifalarni  yuksak 

darajada  bajarish  borasida,  o‘quvchilarni  kasb-hunarga  yo‘naltirishda    kasb-hunar  ta’lim 

muassasalarining ahamiyati muhim sanaladi. Bu borada Yurtboshimiz I.A.Karimovning quyidagi 

fikrlarini  ta’kidlamoqchimiz:  “O‘rta  maxsus,  kasb-  hunar  ta’lim  muassasalari  har  –  bir 

xududning  o‘ziga  xos,  jo‘g‘rofiy,  etnik  xususiyat,  ehtiyojlaridan  kelib  chiqib,  tashkil  etilishi 

hamda  unda  tahsil  olayotgan  o‘quvchilarning  ota  –  onalari  bag‘rida  o‘qib,  kasb  –  hunar 

egallashlari  qolaversa,  o‘sha  xududning  madaniy  –  ma’rifiy  markaziga  aylantirish,  yoshlarni 

chinakkam barkamol kadrlar qilib tayyorlashga bo‘lgan talabdandir” deya e’tirof etganlar.Ushbu 

fikrlari orqali jamiyat va davlat rivojlanishida yoshlarni har tomonlama yetuk mutaxassis kadrlar 

qilib  tayyorlash ertangi  kunimiz  uchun  zamin  yaratilishiga  ishonch  bildirganlar.  Shunday  ekan, 

bu  borada  kasb-hunar  muassasalarida  o‘quvchilarni  kasb-hunarga  yo‘naltirish  tadbirlarining 

o‘rni  va  ularni  o‘tkazishning  mazmun  mohiyatiga  to‘xtalmay  iloji  yo‘q.  Kasb-hunar  ta’lim 

muassasalari umumiy o‘rta ta’lim maktab bitiruvchilarini kasb-hunarga yo‘naltirishda tadbirlarni 

tashkil  etish  va  ularni  o‘tkazib  borishdan  maqsad,  o‘quvchi  yoshlarni  kasblar  dunyosiga  olib 

kirish,  tanishtirish,  qiziqtirish  hamda  qobiliyati,  moyilligi  bor  o‘quvchilarni  ongli  tarzda  kasb 

tanlashlariga zamin yaratib beruvchi omil bo‘lib sanaladi. Biz shu o‘rinda kasb-hunar tanlashga 

xizmat  qiluvchi  tadbiriy  omillarni  sxematik  tarzda  keltirib  har  -  biriga  qisqacha  to‘xtalib 

o‘tmoqchimiz:  

“Kasblar festivali” 

1.  Tadbir  yuzasidan  kasb-hunar  kollejlar  “Kasblar  festivali”ni  o‘tkazilishi  bo‘yicha  bo‘yruq 

hamda dastur ishlab chiqadi. 

2. Kasb-hunar kolleji psixologi, muhandispedagog, ishlab chiqarish ustalari bilan yaqin  hududda 

joylashgan  har  bir  umumta’lim  maktablariga  borib,  kasb-hunarga  yo‘naltiruvchi,  amaliyotchi 

psixolog va sinf rahbarlari boshchiligida 9 - sinf bitiruvchilariga kasb-hunar kollejlari tayyorlov 

yo‘nalish  mutaxassisliklari  bo‘yicha  targ‘ibot  va  tashviqot  ishlarini  olib  borish  bilan  birga 

tadbirga ham taklif qiladilar. 

3.  «Kasblar  festivali»  tadbiri  kasb-hunar    kolleji  hovlisida  bo‘lib,  unda  o‘z  tayyorlov 

yo‘nalishlari,  mutaxassisliklarini  tarannum  etuvchi  ko‘rgazmalar,  stendlar  hamda  o‘quvchilar 

tomonidan tayyorlangan buyumlar yarmarkalari namoyishi bilan bayramona ruhda bezatiladi. 

 4. O‘quv laboratoriya xonalari, o‘quv ishlab chiqarish ustaxonalari, texnika vositalari va ularni 

jihozlanishi bilan bir qatorda undagi sport turlari hamda kutubxonalar bilan tanishtira borish ham 

joizdir.   

“Ochiq  eshiklar  kuni”  tadbirida  kasb-hunar  kollejlari  bayramona  ruhda  bezatilgan 

bo‘lishi  bilan  birga  quyidagi  ishlarning  tashkilotchisi  hambo‘lishi  kerak:  -  kasb-hunarga 

yo‘naltirish  xonasini  tashkil  etib,  ushbu  xonada  kasbiy  tayyorlov  mutaxassisliklarini  tarannum 

etuvchi  stendlar,    ko‘rgazmalar  hamda  ishlab  chiqarish  korxona  va  tashkilotlari  haqidagi 

ma’lumotlar  bankini  tashkil  etilishiga;    ushbu  tadbir  yuzasidan  ommaviy  axborot  vositalariga 

hamda matbuotda maqola va tezislar bilan chiqish kabilar. 

 Talabalarni  ongli  va  to‘g‘ri  kasb  tanlashga  tayyorlashda,  ya’ni  kasbga  yo‘naltirishda 

(proforientatsiya)  bir-biri  bilan  o‘zaro  bog‘liq  bo‘lgan  quyidagilar  haqida  ma’lumot  berish 

o‘rinlidir. 

 

13 

Kasbiy  maorif  –  mahalliy  sharoitlarning  ijtimoiy-iqtisodiy  ehtiyojlarini  hisobga  olib,  u 

yoki  bu  kasb  egalariga,  mutaxassislarga  bo‘lgan  ehtiyojlarni,  turli  kasblardagi  professional 

mehnatning mazmunini, kasbning insonga  qo‘yadigan  talablarini,  mehnat  sharoitlarini,  moddiy 

va  ma’naviy  rag‘batlantirish  sharoitlarini,  kasbni  egallash  mumkin  bo‘lgan  o‘quv 

muassasalarining turlarini ma’lum qilish, ya’ni bunda talabalar turli kasblar va ixtisosliklarning 

xarakteri va o‘ziga xosliklari bilan tanishadilar. 

Kasbiy  konsultatsiya  –  individual  xarakterga  ega  bo‘lib,  ayrim  talabalarga  ular 

egallamoqchi  bo‘lgan  kasbning  xususiyatlari  va  o‘z  imkoniyatlarini  to‘g‘ri  anglashga 

ko‘maklashishni  nazarda  tutadi.  Talabalarga  kasb  tanlash  yuzasidan  pedagog,  shu  soha  (kasb) 

mutaxassis,  shifokor,  psixolog  maslahat  berishi  mumkin.  Talabalar  kasbiy  ma’lumot  olish 

chog‘ida nafaqat kasb to‘g‘risida, balki o‘z organizmi, o‘z xarakteri haqida ham ma’lumotga ega 

bo‘ladi. 

Kasbiy diagnostika – talabalarning u  yoki bu kasbga tayyorgarligining barcha jihatlarini 

aniqlash (hisobga olish)  metodlarini o‘z ichiga oladi. Talabalarning biologik (tug‘ma ma’naviy 

sifatlari),  psixologik  (qiziqishlari,  qobiliyatlari  va  h.k.),  ijtimoiy  (hayot  tarbiya  tarzi,  hayotiy 

ma’naviy  maqsadlari  va  h.k.)  xususiyatlari  ayni  diagnostik  metodikalar  yordamida  aniqlab 

olinadi va ular kasbga tayyorgarlikni to‘g‘ri belgilashga, asosli ravishda kasb tanlashga yordam 

beradi. 

Kasbiy  tanlash  (saralash)  –  o‘quv  muassasalari  va  ishlab  chiqarish  (tashkilotlar) 

mutaxassislari tomonidan amalga oshirilib, ularning pedagogik tavsiyalariga binoan o‘quvchilar 

aniq kasblarni tanlaydilar. 

Kasbga  moslashtirish  (profadaptatsiya)  –  bu  o‘quv-ishlab  chiqarish  kombinatlarida, 

ishlab  chiqarish  korxonalarida,  fermer  xo‘jaliklarida  va  umuman  moddiy  ishlab  chiqarish 

sohasida  o‘quvchilarning  ixtisosliklar  egallashi  jarayonida  ularni  tanlangan  kasbning  mehnat 

sharoitlariga moslashtirishdir. Talabalar amaliyot jarayonida o‘qituvchi mehnatini tashkil qilish, 

eng  maqbul  mehnat  usullarini  qo‘llash,  psixologik  qiyinchiliklarni  yengishga,  ishning  yuqori 

natijalariga erishishga o‘rganadilar. 

Prezidentimiz  I.Karimov  Uzbekiston  Respublikasi  Oliy  Majlisining  siyosiy-ijtimoiy  va 

iqtisodiy  istiqbolning  asosiy tamoyillarini  bayon  qilar  ekan  madaniy-ma’rifiy  sohadagi  ishlarga 

mustaqil  respublikamizda  ma’naviyatni  rivojlantirish  masalalariga  ham  aloxida  to’xtalib, 

quyidagilarni  ta’kidladi:  “Endigi  asosiy  vazifa  kishilarimizni  mustaqil  fikrlashga  o‘rganishi, 

o’ziga  ishonchining  ortib  borishidir.  Chunki  tafakkur  ozod  bulmasa,  ong  va  shukur  tarzidan 

qullikdan qutulmasa, inson to’la ozod bo’lmaydi”.  

 

Taraqqiyot taqdirini ma’naviy jixatdan yetuk odamlar xal qiladi. “Aqliy zakovat va ruxiy 

ma’naviy  salohiyat  ma’rifatli  insonning  ikki  qanotidir”.  Ana  shu  vazifa  mutaxassislar 

yetishtiradigan  oliy  ta’lim  muassasalari  zimmasiga  ta’lim-tarbiya  ishlarini  hozirgi  davr 

talablariga muvofik yanada takomillashtirish buyicha g’oyat muhim majburiyatlarni yuklaydi. 

 

Hozirgi  zamon  ishlab  chiqarishi  va  undagi  mehnatning  mazmuni  haqida,  fan-texnika 

taraqqiyotini  jadallashtirish  orqali  ishlab  chiqarishni  rivojlantirishning  asosiy  yo‘nalishlari 

haqida politexnik bilimlarini shakllantirish. 

1.  Kasb-hunar  kollejiga  yaqin  korxonalardagi  ishlab  chiqarish  jarayonlarini  tipik  texnikasi, 

texnologiyasi va tashkil etilishi bilan tanishtirish. 

2.  Kasblarning  umumiy  klassifikatsiyasi  va  konkret  shahardagi,  tumandagi  kasblar  kishining 

professional faoliyatiga quyiladigan talabalar bilan tanishtirish. 

3.  O‘quvchilarning qobiliyatlarini aniqlash va rivojlantirish, kasb tanlashning ijtimoiy qimmatli 

motivlarini tarkib toptirish, o’z professional mavqeini belgilashda kumaklashish. 

4.  O‘quvchilar  9-sinfda  qaysi  hunarga  qiziqishlarini  kelajakda  qanday  kasb  egasi  bo’lishni 

oldindan  to’g’ri  tanlashi  uchun  ularga  VIII  sinflarda  professional  tayyorgarlik  ixtisosini 

ommaviy tanlashlarida yordam berish. 

5.  O’zbekistondagi kasb ta’lim sistemasi va malaka oshirish yo’llari bilan tanishtirish. 

 

Ma’lumki  kishi  o’z  qobiliyati,  qiziqishi,  davatning  kadrlarga  ehtiyojiga  muvofik 

mashg’ulot turi va kasbni tanlash huquqiga ega. 

 

14 

 

Mashg’ulotlar  jarayonida  o‘quvchilar  xalq  xujaligining  strukturasi,  kasblarni 

klassifikatsiyalashning  turli  usullari,  ularni  egallash  yo’llari,  kasbning  insonga  qo’yadigan 

talablar  bilan  tanishishidan  tashqari,  o’z  qiziqishlari  mayl  va  qobiliyatlarini  aniqlashning  ba’zi 

amaliy ko’nikmalarini ham o‘zlashtirishi zarur. Shu maqsadda ularga qiziqish kartasi, mayillikni 

baholash  kartasi  vahokazolarni  to’ldirish  kabi  topshiriqlarini  bajartirish  ko’zda  tutiladi.  Bu 

tadbirlar  har  bir  o’smirga  o’z  imkoniyatlarini  xaqiqiy  baholash  va  ularni  muayyan  kasbning 

insonga qo’yadigan talablari bilan taqqoslash imkonini beradi.