Ozbek-Tariyx-1-70-(каракалпак). indd

Soraw hám tapsırmalar:
1. «Balalardı asırayıq» shólkemi reytinginde Ózbekstan qanday orınǵa 
iye boldı?
2. Internet maǵlıwmatlarınan paydalanǵan halda, búgingi kúnde turaq 
jaylardıń qanday túrleri bar ekenligin aytıń.
3. Qariyalardı qádirlew boyınsha 2017-jıldıń ózinde ámelge asırılǵan 3 
tiykarǵı ilajdı sanap beriń.
4. Tómendegi kesteni toltırıń.
T/n.
Balalardı qorǵaw
Qariyalardı qorǵaw
Analardı qorǵaw

---

61
IV BAP. 
ÓZBEKSTANDA ETNIKALÍQ HÁM KONFESSIYALAR 
ARALÍQ QATNASÍQLAR
8-tema. 
Ózbekstanda milletleraralıq qatnasıqlar hám keńpeyillik
Milletleraralıq tatıwlıq ideyası.
Milletleraralıq tatıwlıq ideyası 
Jer júzinde jasap atırǵan barlıq etnikalıq toparlardıń teń huqıqlılıq, 
óz ara húrmet hám birge islesiw tiykarında tınısh-tatıw jasaw ideyası 
bolıp tabıladı. Milletleraralıq tatıwlıq ideyası tınıshlıq hám turaqlılıq 
ideyası bolıp esaplanadı. Ol barlıq millet hám elatlardıń tili, úrp-
ádeti, dástúrleri, bayramlarınıń rawajlanıwın talap etedi. Milletshilik, 
fashizm, milliy hám entikalıq kórinistegi urıslarǵa qarsı turatuǵın 
birden bir aǵartıwshılıq ideyası. Ásirese, búgin neofashizm bas kóterip 
atırǵan civilizaciyalar aralıq soqlıǵısıwlar júz berip atırǵan sharayatta 
milletleraralıq tatıwlıq ideyası áhmiyeli orın iyeleydi.
Elimizdegi túrli millet wákilleri
Este saqlań!
Ózbekstan Respublikası Konstituciyasınıń 8-statyasında «Ózbek-
stan xalqın milletine qaramastan, Ózbekstan Respublikasınıń puqa-
raları quraydı» degen áhmiyetli qaǵıyda belgilep qoyılǵan.
Búgin Ózbekstanda 138 milliy-mádeniy oraylar milletleraralıq tatıwlıq 
ideyasın turmısqa engizbekte.
Ruslardıń «Maslennica», tatarlardıń «Sabantoy», uyǵırlardıń «Sayil» 
bayramları, qıtaylardıń «Chunuze» jańa jılı, koreyslerdiń «Soller» hám 
«Ovol — tano» bayramları belgilenbekte. Hár jılı respublikamız kóle-
minde «Biz bir shańaraq perzentlerimiz», «Watan jalǵız, Watan birew», 
«Ózbekstan—ulıwma úyimiz» súreni astındaǵı festivallar ótkerilmekte.