Ozbek-Tariyx-1-70-(каракалпак). indd

Ózbekstan — Qırǵızstan.
Ózbekstannıń Qırǵızstan menen eki 
tárepleme birge islesiwi Ózbekstan Respublikası menen Qırǵızstan 
Respublikası ortasında doslıq, birge islesiw hám óz ara járdem haqqında 
shártnama tiykarında jolǵa qoyıldı hám rawajlandırılmaqta. Bul shárt-
nama Tashkentte 1992-jılı Qırǵızstan Prezidenti Askar Akayevtiń 
Ózbekstanǵa rásmiy mámleketlik saparı payıtında tastıyıqlanǵan edi. 
Elimiz Birinshi Prezidenti Islam Karimovtıń 1993-jılı Qırǵızstanǵa 
bolǵan rásmiy mámleketlik saparı payıtında Osh qalasında Ózbekstan 
hám Qırǵızstan ortasında 1994—2000-jıllarǵa mólsherlengen ekonomi-
kalıq intergraciyanı rawajlandırıw haqqında Bildiriw tastıyıqlandı. 
Bul hújjet eki respublikada islep shıǵarılǵan milliy baǵdarlamalardı 
muwapıqlastırıwǵa, shiyki zat hám isshi kúshinen, ilimiy potencialdan 
ónimli paydalanıwǵa qaratılǵan edi. 1994-jılı yanvarda Ózbekstan 
Respublikası Prezidenti Qırǵızstanda boldı. Rásmiy sapar juwmaǵında 
eki mámleket Prezidentleri tovarlar, xızmetler, investiciya, isshi kúsh-
leriniń erkin júriwin, óz ara kelisilgen kredit, esap-kitap, byudjet, salıq, 
nırq, bajıxana hám valyuta siyasatın belgilewshi shártnamanı tastıyıqladı.
2010-jılı iyulde Qırǵızstanda ekstremistlik kúshler tárepinen shól-
kemlestirilgen milletleraralıq qanlı waqıyalar sharayatında Ózbekstan 100 
mıńnan aslam qashqınlardı óz aymaǵına qabıl etti. 
2017-jılı Ózbekstan hám Qırǵızstan qatnasıqlarında jańa bet 
ashıldı. Sol jılı sentyabrde Qırǵızstan Prezidenti Almazbek Atambaev 
miráti menen Prezident Shavkat Mirziyoev Bishkekte boldı. Ózbekstan 
hám Qırǵızstan Prezidentleri óz ishine 85% aralıqtı qamtıp alǵan 
shegara haqqındaǵı pitimdi tastıyıqladı. Usı múnásibet penen xalıqtıń 
ótip-qaytıwı ushın eki mámleket ortasındaǵı 7 jıl dawamında jawıp 
qoyılǵan shegara postlar ashıldı. 2017-jılı dekabrde Ózbekstan 
Este saqlań
!
Házirde Qazaqstanda 550 mıńǵa jaqın ózbek milletine tiyisli, 
Ózbekstanda bolsa bir millionǵa jaqın qazaq milletine tiyisli xalıq 
jasaydı. 2017-jılı Qazaqstan Prezidentiniń Ózbekstanǵa saparı 
payıtında 2018-jılı Qazaqstanda Ózbekstan jılı hám 2019-jılı 
Ózbekstanda Qazaqstan jılı ótkeriliwi belgilendi.

---

117
Respublikası Prezidenti Shavkat Mirziyoevtiń miráti menen Qırǵızstan 
Respublikasınıń jańa saylanǵan Prezidenti Sooranbay Jeenbekov rásmiy 
sapar menen elimizge keldi. Ekonimikalıq, mádeniy hám gumanitarlıq 
salalarda birge islesiwge tiyisli bir qatar hújjetler qabıllandı.