Ozbek-Tariyx-1-70-(каракалпак). indd

Soraw hám tapsırmalar
:
1. Ǵárezsizliktiń dáslepki jıllarında sport tarawında qanday ilajlar 
ámelge asırıldı?
2. Úsh basqıshlı sport oyınları ótkiziliwinen maqset ne edi?
3. Olimpiada oyınlarındaǵı jeńimpaz qatnasıwshılardı sanań.
4. Ózbekstan boks mektebi hám onıń xalıqaralıq maydandaǵı 
jeńislerin talqılań. 
5. Ózbek milliy gúresi hám onıń rawajlanıw basqıshları haqqında 
aytıp beriń.
6. Ózbekstan futbol saylandı komandalarınıń tabısları menen 
baylanıslı jarıslardı esleń. Olar qaysı jıllarda júz bergen?
14-tema. 
Ózbekstanda jaslar siyasatı 
Jaslar shólkemi
. Ózbekstan Respublikası ǵárezsizlikke eriskennen 
keyin elimiz jasların birlestiriw ushın «Jaslar Awqamı» shólkemi 
dúzildi. Shólkem jaslardı óz plenumı hám konferenciyaları qararların 
?
Aziya chempionları. 2018-jıl.

---

91
orınlatıwǵa urınıwı, qararlarda jaslardıń mápleri hám talapları tolıq 
sáwlelenbegenligi nátiyjesinde 1996-jılı «Jaslar awqamı» shólkemi 
saplastırılıp, «Kamalat» jaslar fondı dúzildi. «Kamalat» fondınıń wazıy-
pası jaslardıń máp hám talapların úyreniw, olardı qanaatlandırıw 
boyınsha baǵdarlamalar dúziw hám mámlekettiń járdeminde turmısqa 
engiziwden ibarat edi. Biraq «Kamalat» jaslar fondı bunday wazıypalardı 
orınlay almadı, jaslardıń haqıyqıy jetekshisine aylana almadı, dep tabıldı.
2001-jılı Tashkentte bolǵan jaslar qurıltayında ózin-ózi basqaratuǵın 
mámleketlik emes kommerciyalıq emes shólkem — Ózbekstan Respubli-
kası «Kamalat» jaslar jámiyetlik háreketi dúzildi. «Kamalat» jaslar 
jámiyetlik háreketiniń tiykarǵı maqseti jaslardı birlestiriw, jámiyette 
múnásip ornın iyelewge járdemlesiw, olardıń máplerin qorǵaw, jas qız-
jigitlerdiń óz aqıl-ziyrekligi, kúsh-ǵayratın tolıq kórsetiwi ushın zárúr 
shárt-sharayatlar jaratıp beriw, jas áwladtıń tayanıshı hám súyenishi 
bolıwdan ibarat. Hárekettiń Qaraqalpaqstan Respublikası, wálayatlar, 
Tashkent qalası, rayon hám qala bólimleri, bilimlendiriw mákemeleri, 
áskeriy bólimler, huqıq-tártip uyımlarında baslanǵısh shólkemleri 
dúzildi. Olar 14 jastan 28 jasqa shekem bolǵan Ózbekstan puqaraları —
jaslardı óz qatarında erkli túrde birlestirgen halda xızmet kórsetti.
2017-jılı 30-iyun kúni Ózbekstan Respublikası Prezidenti Shavkat 
Mirziyoev qatnasıwında «Kamalat» Jaslar jámiyetlik háreketiniń 
(JJH) qurıltayı bolıp ótti. Bul qurıltayda «Kamalat» JJH shólkemi 
saplastırılǵanlıǵı hám «Ózbekstan jaslar awqamı» dúzilgenligin járiyaladı. 
Jaslardıń mashqalaları hám de baslamaları Ózbekstan Prezidentiniń 
tuwrıdan-tuwrı itibarında bolıwın támiyinlew maqsetinde «Ózbekstan 
jaslar awqamı» baslıǵı bir waqıttıń ózinde Prezidenttiń Mámleketlik 
másláhátshisi lawazımında bolıwı da belgilep qoyıldı.