1. Kirish. Fanning maqsadi va vazifalari. Fanning boshqa fanlar bilan bog`liqligi

---

1.Mavzu. Fanning boshqa fanlar bilan bog’liqligi. Muhandis
tayyorlashdagi o`rni. 
Reja 
 
1. Kirish. Fanning maqsadi va vazifalari. 
2. Fanning boshqa fanlar bilan bog`liqligi. 
3. Fanning muhandis tayyorlashdagi o`rni. 
4. Institut ichki tartib va qoidalari, kiyinish, muloqot madaniyati
.
Kirish. Fanning maqsadi va vazifalari
. Uyda, ko`cha-ko`yda tevarak 
atrofga nazar solib, turli metall va nometall buyumlarni ko`ramiz. Ayrimlari 
oddiyroq bo`lsa, ayrimlarining konstruksiyasini murakkabligini ko`rib, ularning 
detallarini qanday biriktirilgan ekan, deb o`ylab qolamiz. Detallarni bir-biriga 
biriktirishning shunday imkoniyatlari borki, ularni umumlashtirib, payvandlash deb 
ataladi.
Kundalik turmushimizni mashinasozlik, to`qimachilik, engil va paxtani 
dastlabki ishlash va boshqa sanoat mahsulotlarisiz tasavvur qilish qiyin. 
Respublikamiz sanoati oldida turgan asosiy vazifalardan biri ishlab chiqarishni jadal 
sur`atlar bilan rivojlantirish, uning samaradorligini oshirish, ilmiy texnika 
taraqqiyoti natijalarini ishlab chiqarishga joriy etib, yuqori sifatli mahsulotlar bilan 
xalq xo`jaligi ehtiyojlarini to`la qondirishdir. Ushbu vazifalarni amalga oshirishda 
bo`lajak mutaxassislarning ham alohida o`rni bor. 
Fanning maqsadi
talabalarda texnologik mashinalar va jihozlarni yaratilish 
tarixi, ularni turlari, ishlash jarayonlari haqida ma`lumot berish, yo`nalish ichidagi 
mutaxassisliklar bo`yicha yo`nalish profiliga mos bilim, ko`nikma va malakani 
shakllantirishdir.