Yosh tengdoshlar

Hurmatli yosh trenerlar, quyida treninglar va boshqa ta’limiy-ma’rifiy o‘quv 
tadbirlarida qo‘llaniladigan eng samarali usullar haqida axborot keltirilgan. Ushbu usullarni 
har qanday mavzuni tengdoshlaringizga yetkazishda qo‘llashingiz mumkin. Muhimi bu usullarni 
ishlatish tartibiga rioya qilish. 
“Taqdimot (prezentatsiya)” usuli 
 
Taqdimot bu – yangi axborot, salomatlik yoki boshqa mavzular bo‘yicha bironta nazariya 
yoki umuman ma’lumotlarni tengdoshlaringizga yetkazish maqsadida o‘tkaziladigan tadbir. U 
turli shakllarda o‘tkazilishi mumkin - ma’ruzadan boshlab, savol berish va munozara yuritish 
orqali tadbir ishtirokchisini qisman jalb etishgacha. Taqdimotning mazmuni usul sifatida 
taqdimotchiga ko‘proq bog‘liq bo‘ladi. 
Bosqichlari 
1)
Mavzu bilan tanishtiring - ishtirokchilarga so‘zlab bermoqchi bo‘layotgan narsalar to‘g‘risida 
bayon eting. 
2)
Siz tengdoshlaringizga bayon etmoqchi bo‘layotgan narsalar to‘g‘risida so‘zlang – 
ko‘rgazmali qurollardan foydalanib, mavzu bilan tanishtiring. 
3)
Bajargan ishlaringizga yakun yasang. 
4)
Taqdimot ishtirokchilari savol berishlarini taklif qiling. 
Qo‘llanmaning keyingi bo‘limlarida taqdimot o‘tkazish san’ati haqida so‘z yuritiladi. Unda 
taqdimotning bosqichlari, taqdimotchining vazifalari, samarali taqdimot o‘tkazish ko‘nikmalari 
bo‘yicha tavsiyalar keltirilgan. 

---

13 
“Kichik guruhlarda munozara” usuli 
 
Kichik guruhlarda muhokama qilish bu - tengdoshlaringizga o‘z hayotiy tajribalari va 
fikrlari bilan o‘rtoqlashishga yoki muammoni hal qilishga imkon beradigan faoliyat turi.