O. L. Muxamedov Kafedra mudiri

4. Iqtisodiy geografiyaning boshqa fanlar bilan uzviy  aloqasi  va tadqiqot uslublari. 
Ijtimoiy  ishlab  chiqarishning  geografik  muammolarini  tadqiq  qilgan  holda  iqtisodiy  geografiya 
mustaqil fan bo‘lib, geografik fanlar majmuasiga (tizimi) kiradi. 
Geografiya  fanlari  ichida  o‘ziga  xos  o‘rinni  egallab  fan  sifatida  ijtimoiy  ishlab 
chiqarishni  joylashtirish  qonuniyatlarini  o‘rganadi,  shu  o‘rinda  tabiiy  geografiya  tabiat 
qonunlarini o‘rgatadi. 
 Tabiiy  geografiya  esa  tabiiy  fanlar  turkumiga  kiradi.  Iqtisodiy  va  tabiiy  geografiya 
o‘rtasida uzviy hamkorlik bo‘lib, iqtisodiy geografiya tabiiy sharoit va resurslarga to‘la iqtisodiy 
baho beradi va tabiiy geografiya ham izlanishlarida o‘z maqsadlariga erishadi. 
Geografiya  fanlari  bo‘yicha  tadqiqot  va  o‘quv  ishlari  olib  borish  uchun  iqtisodiy 
geografiyaning tabiiy geografiya bilan uzviy hamkorligi muhim ahamiyatga ega. 
Ayrim  mamlakat  va  mintaqalarni  ta’riflab  beruvchi  mamlakatshunoslik  ishlarini  tashkil 
qilishda  ham  bu  hamkorlikning  roli  katta.  Qurilish  xo‘jaligining  geografik  muammolarini 
tadqiqot qilishda ham hamkorlikning roli ulkan. 
Ijtimoiy  fanlar  turkumiga  kiruvchi  iqtisodiy  geografiya  uchun  nazariy  ahamiyatga  ega 
bo‘lgan  umumiqtisodiy  fanlarning  xulosalari  muhimdir.  Tarmoqlar  iqtisoditi  bilan 
shug‘ullanuvchi  fanlar,  ya’ni  ishlab  chiqarish  sharoiti,  xalq  xo‘jalik  tarmoqlarida  ishlab 
chiqarishni  tashkil  qilish  va  rivojlantirish,  texnik  –  iqtisodiy  asoslari,  ishlab  chiqarishni 
joylashtirishni  xususiyatlari  va  omillari,  ishlab  chiqarishda  tannarx  va  boshqalar  bilan 
shug‘ullanuvchi aniq iqtisodiyot fanlari ko‘p masalalarda iqtisodiy geografiyaga murojat qiladi. 
Iqtisodiy  geografiya  o‘zining  o‘rganish  tadqiqotlarida  kartografik,  matematik,  EHM, 
taqqoslash, kosmik uslublardan keng foydalanadi. 
Geografik  fan  sifatida  iqtisodiy  geografiya  uchun  iqtisodiy  kartografiyaning  ahamiyati 
katta.  Iqtisodiy    harita  iqtisodiy  –  geografik  tekshirishlarning  dastagi,  uning  ajralmas  qismi 
hamda uning natijasi hisoblanadi.