J. Ya. Jo’rayev, I. Maqsudov

Sutni  sovitish.
  Sutni  sog’imchilardan  qabul  qilib  olgandan  keyin, 
uni tezlik bilan past temperaturada sovitish kerak.    
Yangi  sog’ib  olingan  sut  juda  muhim  xususiyatga,  ya’ni  unga 
tushgan  mikroblarning  ko’payishini  tuxtatadigan  xususiyatga  ega.  Bu 
sutning  bakteriostatik  yoki  bakteriyasidlik  xususiyati  deb  ataladi. 
Bakteriyasidlik  xususiyati  sutdagi  lakteninlar  moddagi  bog’liq  bo’ladi. 
Laktenin  moddalari  sovitilgan  sutda  yaxshi  saqlanadi  va  mikroblar 
rivojlanmaydi  yoki  urchimaydi.  Shuningdek  sutning  temperaturasi  13 
dan  yuqori  bo’lsa,  sutdagi  mikroorganizmlar  soni  tez  ko’payadi  va  sut 
tez achiydi.    
a) Sut qanchalik tez sovitilsa, uning bakterisidlik xususiyati shuncha 
uzoq saqlanadi.    
b)  Sovitish  temperaturasi  qancha  past  bo’lsa,  sutning  bakterisidlik 
xususiyatining ta’siri shuncha uzoq bo’ladi.    
Sutga  tushgan  mikroblar  soni  qancha  kam  bo’lsa,  uning 
bakterisidlik xususiyati ham shuncha uzoqqa chuziladi.   
Fermalarda  sutni  butun  podadan  sog’ib  bo’lgandan  keyin  emas, 
balki  har  bir  sigirdan  sog’ib  olingan  zahotiyoq  sovitgichlarga    qo’yish 
kerak.   

---

Sutni  sovitishning  eng  oddiy  usuli  sut  to’ldirilgan  flyagalarni  suv 
oqib turadigan  betondan yasalgan ariqcha yoki hovuzga botirib qo’yish 
kerak.   
Sutni tashish. 
Sut flagalarda va maxsus sut sisternalarida tashiladi. 
Sut tashiydigan  maxsus idishlarni sanitariya gigiyena   talablariga javob 
beradigan bo’lishi kerak.