Техник ижодкорлик ва дизайн фанининг назарий (лекция) машғулотлари мазмуни

 
Mavzuni mustahkamlash uchun savollar: 
1. Texnik ijodkorlikning o`ziga xos xususiyatlari deganda nimani 
tushunasiz? 
2.  Ilmiy  ijodkorlik  jarayonida  mantiqiy  va  intuitiv  tafakkurning 
ahamiyati? 
3. Texnik ijodkorlik faoliyatining bosqichlari? 
4. O`quvchilarning ijodiy jihatdan tayyorgarlik darajalari? 
 
3-MAVZU. RESPUBLIKADA TEXNIK IJODKORLIKNING 
TASHKILIY ASOSLARI 
 
O`zbekiston Respublikasining Davlat patent idorasi 
O`zbekiston  Respublikasining  Davlat  patent  idorasi  «Ixtirolar, 
foydali  modellar  va  sanoat  namunalari  to`g`risida»gi  Qonunga 
muvofiq  sanoat  mulki  ob‘yektlarini  muhofaza  qilish  sohasida  yagona 
davlat siyosatini amalga oshiradi. 
Patent  idorasi  sanoat  mulk  ob‘yektlarga  talabnomalarini  ko`rib 
chiqish  uchun  qabul  qiladi,  ular  bo`yicha  davlat  ilmiy  texnik 
ekspertizasini  o`tkazadi,  ularni  davlat  ro`yxatiga  oladi,  ushbu 
Qonunning  qo`llanishiga  oid  qoidalar  va  tushuntirishlarni  ishlab 
chiqadi hamda Vazirlar Mahkamasi tomonidan tasdiqlanadigan Patent 
idorasi to`g`risidagi Nizomga muvofiq boshqa vazifalarni bajaradi. 
Patent  idorasining  faoliyatini  mablag`  bilan  ta‘minlashning 
manbai  Davlat  byudjeti  mablag`idan  patent  bojlaridan,  shuningdek, 
Patent  idorasi  tomonidan  ko`rsatiladigan  xizmatlar  va  beriladigan 
materiallar uchun olinadigan haqdan iboratdir.