Microsoft Word Tursunboyev S. O'zbek teatri tarixi. Majmua

 
Sulaymon ota keta boshlaydi. 
 
N a z a r o v. Ota! To’xtang! 
S u l a y m o n  o t a. Men senga ota emasman. O’sha o’ttiz yil oldin mening oldimdan 
urushga  ketgan  yigitga  otaman.  Bu  dunyoda  ham,  u  dunyoda  ham.  Senga  emas.  (
Chiqib 
ketadi. Nazarov xayol surib qoladi
.) 
 
O’lmas Umarbekov.
 Saylanma. Dramalar. 
G’afur G’ulom nomidagi Adabiyot 
va san’at nashriyoti, 1985-yil. 
 
 
 
 
 

---

 
 
 
 
 
 
 
 
ERKIN VOHIDOV 
(1936)
 
 
Atoqli  shoir,  dramaturg,  jamoat  arbobi  Erkin  Vohidov  1936-yili  Farg’ona  viloyat 
Oltiariq  tumanida  o’qituvchi  oilasida  tug’ilgan.  Otasi  frontda  halok  bo’lgach,  1945-yili 
onasi bilan  Toshkentga  ko’chib kelgan.  Toshkent Davlat  universiteti  filologiya  fakultetida 
tahsil ko’rgach, 1960-yildan «Yosh gvardiya», so’ng G’afur G’ulom nomidagi Adabiyot va 
san’at nashriyotlarida muharrir, bosh muharrir va rahbarlik lavozimlarida ishlagan. Hozirgi 
kunda u O’zbekiston Respublikasi Oliy Majlisining Parlamentlararo hamkorlik qo’mitasiga 
boshchilik  qilib  keladi.  Unga  1995-yili  «Buyuk  xizmatlari  uchun»  ordeni  va  keyinroq 
O’zbekiston qahramoni unvoni berilgan. 
Erkin Vohidov «Nido» (1964), «Palatkada yozilgan doston» (1966), «Yoshlik devoni» 
(1969)  singari  doston  va  she’riy  to’plamlari  nashr  etilib,  yirik  shoir  sifatida  tanilgach, 
dramaturgiyaga kirib keldi. 1970-yili hozirgi Milliy akademik drama teatrida uning «Oltin 
devor» degan birinchi pyesasi sahnaga qo’yiladi. Shu bo’yi E. Vohidov  pyesasini sahnaga 
qo’ygan rejissor Toshxo’ja Xo’jayev boshliq ijodiy jamoaga bog’lanib qoladi. «Men undagi 
birorta ham premyerani qoldirmaslikka  harakat qilaman, hatto soatlab repetitsiyalarni  ham 
kuzataman»  degan  edi.  Lekin  uzoq  yillar  pyesa  yozmay  qo’yadi.  «Drama  yozish  uchun 
nihoyatda katta muhlat, uch-to’rt oy kerak, xotirjamlik ham, — degan edi, — pyesani hech 
qachon  bo’lib-bo’lib  yozib  bo’lmaydi.  Uni  yaxlit  o’tirib  yozish  zarur,  ishonchim  komilki, 
ana  shunday  vaqtga  muyassar  bo’laman».  Shunday  o’ylangan  pyesa  1988-yili  «Istambul 
fojiasi» nomi bilan akademik teatr sahnasidan o’rin oldi. (rejissor N. Otaboyev.) 
Bulardan tashqari, ilgari yozilib faqat istiqlol davrida dunyo yuzini ko’rgan «Ikkinchi 
tumor» tragikomediyasi hamda «Oyjamol» opera librettosi E. Vohidov dramaturgiya ijodini 
janr nuqtayi nazaridan ham boyib borayotganini ko’rsatadi.