Toshkent moliya instituti "pensiya ishi" kafedrasi "ijtimoiy ta

 
 
6.1.
 
Pensiya ta’minotining mohiyati, zarurligi va davlat ijtimoiy siyosatini amalga 
oshirishdagi ahamiyati
 
 
“Har qanday jamiyatning  yoshi ulug‘ odamlarga bo‘lgan  e’tibori va  g‘amxo‘rligi  uning 
madaniy  darajasini  belgilaydi,  ...  keksalarga  hurmat-ehtirom,  mehr-oqibat  ko‘rsatish  ma’naviy 
hayotimizning tom ma’noda ajralmas qismiga aylangan”
1
. Muhtaram Birinchi Prezidentimizning 
ijtimoiy  ahamiyatga  ega  bo‘lgan  ushbu  fikrlari  har  qachongidan  ham  ko‘proq  dolzsrblik  kasb 
etmoqda.  Bugungi  kunda  u  kishining  “Endilikda  inson,  uning  hayoti,  ozodligi,  sha’ni,  qadr-
qimmati va boshqa ajralmas huquq hamda erkinliklari muqaddas sanalib, ular davlat tomonidan 
kafolatlanadi”
2
,  degan  fikrlarini  qabul  qilinayotgan  qarorlarda,  amalga  oshirilayotgan  ishlarda 
munosib  davom  ettirayotgan  Prezidentimiz  SH.M.  Mirziyoyev  rahnamoligida  “keksa  yoshdagi 
fuqarolarni davlat tomonidan qo‘llab-quvvatlash tizimi samaradorligini yanada oshirish, ularning 
mamlakat  ijtimoiy-siyosiy  hayotida  to‘la  huquqli  ishtirok  etishi  uchun  zarur  shart-sharoitlar 
yaratish,  katta  avlodning  jamiyat,  oilalar  va  mahallalarda  tinchlik  va  osoyishtalikni  ta’minlash, 
shuningdek yosh avlodni xalqimizning ko‘p asrlik an’analarini hurmat qilish ruhida tarbiyalash 
ishidagi rolini oshirish”
3
 maqsadida mamlakatimizda bir qator yangiliklar, tub o‘zgarishlar sodir 
bo‘lmoqda.  Bunday  e’tiborning  iqtisodiy  jihati  mamlakatda  shakllangan  pensiya  ta’minoti 
tizimida  o‘z  ifodasini  topadi.  Bugungi  kunda  davlat  pensiya  ta’minoti  tizimining  davlatning 
ijtimoiy  siyosatini  amalga  oshirishdagi  o‘rni  va  ahamiyati  tobora  ortib  bormoqda.  Pensiya 
ta’minoti mexanizmlari orqali keksaygan va mehnat qobiliyatini yo‘qotgan jamiyat a’zolarining 
munosib turmush kechirishi uchun moddiy asos yaratilmoqda. Mamlakatimizda keyingi yillarda 
olib  borilayotgan  ijtimoiy  siyosat,  ayniqsa,  2017-yilning  “Xalq  bilan  muloqot  va  inson 
manfaatlari  yili”  deb  e’lon  qilinganligi  munosabati  bilan  qabil  qilinayotgan  davlat  dasturlari 
keksalarning  hayot  darajasi  va  sifatini  yanada  yaxshilash,  ularni  moddiy  va  ma’naviy  qo‘llab-
quvvatlash  ko‘lamini  kengaytirish,  yoshi  ulug‘  insonlarga  ijtimoiy,  pensiya  ta’minoti  va  tibbiy 
xizmat  ko‘rsatishni  takomillashtirish,  oila  va  jamiyatda  keksalarning  o‘rnini  mustahkamlash 
maqsadlariga qaratilgan.