Toshkent moliya instituti "pensiya ishi" kafedrasi "ijtimoiy ta

IV. O’zgalar parvarishiga muhtoj yolg’iz fuqarolarni uyda ijtimoiy xizmat ko’rsatishga 
qabul qilish va chiqarish 
8.  Mazkur  Nizomning 
5-bandida 
ko’rsatilgan  yolg’iz  fuqarolarning  shaxsiy  ro’yxatlari 
tuman  (shahar)  Bandlikka  ko’maklashish  va  aholini  ijtimoiy  muhofaza  qilish  markazlari 
tomonidan fuqarolarning o’zini-o’zi boshqarish organlari ishtirokida aniqlanib ro’yxatga olinadi 
va tuman (shahar) hokimlari tomonidan tasdiqlanadi. 
9.  Uyda  ijtimoiy  xizmat  ko’rsatishga  qabul  qilish  quyidagi  hujjatlar  asosida  amalga 
oshiriladi: 
fuqaroning shaxsiy arizasi; 
fuqaroning  yolg’iz  yashayotganligini  tasdiqlovchi  fuqarolarning  o’zini  o’zi  boshqarish 
organi tomonidan berilgan ma’lumotnoma; 
tibbiy  muassasaning  (yolg’iz  fuqaroning  yashash  joyidagi  poliklinikalar,  shifokorlar 
maslahat  komissiyasi  (ShMK),  qishloq  vrachlik  punktlari  (QVP)  xulosalari  yoki  tibbiy-mehnat 
ekspert komissiyasining (TMEK) o’zgalar parvarishiga muhtojligi to’g’risidagi xulosasi; 
fuqarolarning  o’zini  o’zi  boshqarish  organlari  bilan  birgalikda  o’tkazilgan  yolg’iz 
fuqarolarning uy-joy maishiy sharoitlarini o’rganish dalolatnomasi. 
10.  Tuman  (shahar)  Bandlikka  ko’maklashish  va  aholini  ijtimoiy  muhofaza  qilish 
markazlari  uyda  ijtimoiy  xizmat  ko’rsatishga  qabul  qilingan  har  bir  yolg’iz  fuqaroga  shaxsiy 
hujjatlar  yig’majildini  yuritadi  va  unda  mazkur  Nizomning 
9-bandida 
ko’rsatilgan  hujjatlardan 
tashqari  pasport  nusxasi,  agarda  u  nogiron  bo’lsa,  tibbiy-mehnat  ekspert  komissiyasining 
(TMEK) ma’lumotnomasi bo’lishi lozim. 
11.  Yolg’iz  fuqaroning  arizasiga  asosan  yoki  uni  internat-uylariga,  shifoxonaga 
joylashtirilganda, vafot etganda va boshqa hollarda xizmat ko’rsatishdan chiqariladi.