O‗zbekiston respublikasi oliy va o‗rta maxsus ta‘lim vazirligi toshkent to‗qimachilik va engil sanoat instituti

Hay‘atlar (delegatsiyalar) tashrifi. 
Mehmonni qabul qilish barcha  xalqlarda 
oddiy  hollarda  ham  alohida  e‘tibor  bilan  o‗z  o‗rniga  qo‗yiladi.    Xalqaro 
munosabatlar  darajasida  esa  mehmonga  bo‗lgan  e‘tibor  jiddiy  tusga  kiradi.    Bu 
holat tashrif darajasi, maqsadi va harakteriga bog‗liq bo‗ladi.  
Bu  bilan  rasmiy  hay‘atlarga  ko‗rsatilayotgan  hurmat-e‘tibor  belgilanadi.  
Hay‘at rahbariga ko‗rsatilayotgan hurmat-e‘tiborning asosiy sharti u egallab turgan 
lavozim bilan belgilanadi.  Masalan, davlat yoki hukumat rahbariga alohida e‘tibor, 
tashqi  ishlar  vaziri  yoki  harbiy  vazirga alohida, tegishli tashqilotning departament 
rahbari  yoki  boshqa  lavozimdagi  shaxsga  alohida  e‘tibor  shartlari  belgilangan.  
Kutib  olinuvchi  mehmonning  egallab  turgan  lavozimidan  kelib  chiqib,  kutib 
oluvchi  mutasaddilar,  uchrashuv  ssenariysi  va  tashrif  tashqiloti  bilan  bog‗liq 
boshqa masalalar belgilanadi.  
YUqorida  qayd  etilgan  masalalarning  barchasi  oldindan,  tashrif  amalga 
oshirilishidan  ilgari  ishlab  chiqiladi  va  yuqori  darajadagi  tashriflarni  tayyorlash 
vaqtida mehmon tomon bilan kelishib olinadi.  
Tashrifni uyushtirish bo‗yicha amalga oshirilgan barcha tadbirlar uni sermahsul 
va muvaffaqiyatli o‗tishiga zamin yaratadi.  
Tashriflar o‗z klassifikatsiyasi bo‗yicha bir necha turlarga bo‗linadi.  Ular: oliy 
darajada  tashqil  etiladigan  davlat  va  rasmiy  tashriflari,  «Sammitlar»,  amaliy  va 
norasmiy  tashriflar.    «Sammit»  va  oliy  darajadagi  uchrashuvlarda  asosiy  e‘tibor 
siyosiy  muzoqaralarga  hamda tantanali  marosimlar tadbirlari,  gulchambar  qo‗yish 
marosimlari,  ehtirom  tashriflari,  qabullar,  jamoat  bilan  uchrashuvlarga  qaratiladi.  
Bunday  tashrif  odatda  qo‗shma  hujjatlarni  imzolash  bilan  yakunlanadi.    Bu 

---

 
109 
avvalambor, ishlab chiqilgan va kelishilgan dastur bo‗yicha amalga oshirilib, faqat 
biror-bir  favquloddagi  hodisalar  tufayli  dasturga  ma‘lum  o‗zgarishlar  kiritilishi 
mumkin.  
Amaliy  tashriflar  biror-bir  tadbirga  tayyorgarlik  maqsadida  konsultatsiya  va 
fikr  almashish  yo‗li  bilan  ma‘lum  masalani  hal  qilish  uchun  o‗tkaziladi.  
Seremonialga bunday holatlarda amal qilinmaydi.  Bu turdagi tashriflar kam vaqtni 
o‗z ichiga oladi.  
Norasmiy  tashriflar  ta‘til,  davolanish  maqsadida  va  xususiy  takliflar  bilan 
amalga oshiriladi.