O’zbekiston respublikasi sog’liqni saqlash vazirligi tibbiy ta’lim rivojlantirish markazi

Maqsadli tibbiy ko’riklar
 ba'zi kasalliklarni (tuberkulez, o’sma kasalliklar, 
qon va qon aylanish sistemasi kasalliklari, nafas organlari va ginekologik 
kasalliklar) boshlang'ich belgilarini aniqlash maqsadida o’tkaziladi,  Maqsadli 
tibbiy  ko’riklar  poliklinikalarda,  dispanserlarda,  maxsus  ixtisoslashgan 
kasalxonalarda, ilmiy tekshirish institutlarida tor mutaxassislar ishtirokida olib 
boriladi. Tibbiy ko’rik ma'lumotlari maxsus tibbiy xujjatlarga yozib boriladi. 
Bunday tibbiy ko’riklar o’tkazish orqali tibbiy murojaat qilmagan har 1000 ta 
tekshirilganlarda 1200 kasalliklarni aniqlash mumkin. 
Yuqorida aytib o’tilgandek, aholi salomatligini o'rganishda statistikada 
tibbiy murojaatiga ko'ra kasalliklarga alohida e'tibor berish talab etiladi va ularning 
taxlilida turli statistik xujjatlardan foydalaniladi. Bulardan o'rganish zarur 
bo'lganlari quyidagilarni tashkil qiladi: 
- umumiy va birlamchi kasallanish statistik talon bo'yicha f.025-4/u, 
- yuqumli kasalliklar shoshilinch xabarnoma orqali f.058/u, 
- muhim noepidemik kasallanish (ijtimoiy kasalliklar) - onkologik 
kasalliklar xabarnoma f.090/u, ruhiy, tuberkulez, teri-tanosil kasalliklar f.089/u 
bo'yicha, 
-  kasalxonada  davolangan kasalliklar  bemorning  kasallik  tarixidan 
kuchirmasi f.066/u asosida o’rganiladi, 
- vaqtincha mehnat qobiliyatini yo'qotish bilan kechadigan kasalliklar 
kasallik varaqasini ro’yxatga olish - f.036/u orqali o’rganiladi. 
Statistikada barcha kasalliklarni o'rganishda yuqumli kasalliklar bilan birga 
noepidemik kasalliklar ham o’rganiladi. Ularga onkologik, teri-tanosil, ruhiy 
kasalliklar, tuberkulez va shu kabilar kiradi.