O’zbekiston respublikasi sog’liqni saqlash vazirligi tibbiy ta’lim rivojlantirish markazi

Maktabgacha muassasalardagi shifokorlar vazifalari quyidagi 
bo'limlarni o’z ichiga oladi: 
 
1. 
Maktabgacha bolalar muassasalariga ilk bor kelgan yangi bolalar 
qabulini nazorat qilish. 
2. 
Bolalarni anatomo-fiziologik va asab-ruhiy xususiyatlarini e'tiborga 
olgan xolda  guruhlarga ajratishda faol ishtirok etish. 
3. 
Bolalarning jismoniy rivojlanishi va solomatligini sistematik ravishda  
kuzatish  (mutaxassis  shifokorlar ko’rigidan davriy  o’tkazish,  laboratoriya 
tekshiruvlaridan vaqtida o’tkazishni tashkillashtirish). 
4. 
Guruhlarda kun tartibiga rioya qilishini, parvarish talablariga, tarbiya 
ishlariga, sanitar-gigienik sharoitlarga rioya qilinishini nazoratini ta'minlash. 
5. 
Yuqumli kasalliklar kirib kelishi va tarqalishini oldini olish bo'yicha 
profilaktik choralar majmuasini o’tkazish. 
 
Bolalar muassasalarida yuqumli kasalliklarning yopiq va ochiq turlaridan  
bolalar salomatligini himoya qilishni  ta'minlash   4 ta asosiy ko'rsatkich bo'yicha 
o’tkaziladi.  
1) 
umumsog'lomlashtirish choralar (yuqumli kasalliklardan pospesifik 
profilaktika):  
- xayotining birinchi yilidagi bolalarni tabiiy ovqatlantirishini ta'minlash,  
- bolalarni rasional ovqatlanishini ta'minlash, 
- bolaning yoshi va individual xususiyatlarini xisobga olgan xolda kun 
tartiblariga rioya qilish, 
- bolani yoshiga mos ravishda  massaj va badantarbiya mashg’ulotlarini 
o’tkazish, 
- chiniqtiruvchi tadbirlarni o’tkazish, 
- bolaning emosional tonusini me'yorida ushlab turish. 
2) 
Yuqumli kasalliklarga qarshi  ixtisoslashtirilgan profilaktika ishlari 
sxemaga asosan faol immunizasiya yo'li bilan o’tkaziladi va profilaktik emlashning 
umumiy qoidalariga rioya qilgan xolda nofaol immunizasiya o’tkaziladi. 
3) 
Bolalar jamoasiga infeksiya kirishiga qarshi ko'rashishda bolalarni 
qabul qilishda qoidalarga rioya qilish talab qilinadi.. 
4) 
Kasallangan bola aniqlangan guruh karantin tartibiga o’tkaziladi; 
sog'lom bolalar  diqqat  bilan  kuzatiladi va bu guruhga yangi bolalarni qabul qilish 
karantin muddati tugaguncha to’xtatiladi.