B abdullayeva, M. Usmonbayeva, O’. Asqarova, F. Ehsonova, S. Hakimov

Kasb-hunar  kollejlari  bitiruvchilarini  ishga  joylashtirish
  –  o’rta  maxsus 
ta’lim  muassasalarining  tegishli  turida  muayyan  ixtisoslik  bo’yicha  ta’lim  olgan  va 
DTS, o’quv dasturlari talablarini to’liq, minimal darajada bajargan bitiruvchilarni ish 
bilan  ta’minlashga  qaratilgan  chora-tadbir.  Bitiruvchilarning  ish  bilan  bandligiga 
ko’maklashish  kasb-hunar  kollejlari,  bitiruvchilar  va  ularning  ota-onalari,  mahalliy 
davlat  hokimiyati  organlari,  mehnat  va  aholi  bandligi  organlari,  vasiylar,  tarmoq 
vazirliklari,  idoralari,  korxonalarining  hamkorligi  bilan  amalga  oshiriladi.  Ana  shu 
maqsadda quyidagi amaliy harakatlar tashkil etiladi: o’rta maxsus, kasb-hunar ta’limi 
muassasalari,  o’quvchilar  va  ish  beruvchilar  o’rtasida  belgilangan  tartibda  uch 
tomonlama  shartnomalar  tuzish;  yangi  ish  o’rinlari  yaratish  ishlarini  tashkil  etishda 
shahar  ahamiyatiga  ega  bo’lgan  va  b.  yirik  korxonalar  ishtirokida  kasb-hunar 
kollejlari  bitiruvchilari  uchun  ish  o’rinlarining  kasbiy  tarkibini  aniqlash;  ish 
beruvchilarni  va  kasb-hunar  kollejlari  bitiruvchilarini  jalb  etgan  holda  muntazam 
ravishda  ish  o’rinlarining  yarmarkalarini  o’tkazish;  bitiruvchilarga  tadbirkorlik 
faoliyatini tashkil  etishda  ko’maklashish maqsadida  ular  uchun  O’zbekiston  Savdo-
sanoat palatasining hududiy organlari ishtirokida biznes-loyihalarni ishlab chiqish va 
tasdiqlash; ularni tadbirkorlik faoliyatiga jalb etish va o’zini o’zi ish bilan band etish 
darajasini  oshirish  maqsadida  imtiyozli  kreditlar  berish;  bitiruvchilardan  u  yoki  bu 

---

 
101 
yo’nalishda foydalanish bo’yicha imtihon oluvchi professional komissiyalar, vasiylar, 
boshqa  ish  beruvchilarning  tavsiyalarini  berish;  ularni  ishga  joylashtirishga 
yo’naltirilgan  boshqa  chora-tadbirlarni  amalga  oshirishga  doir  tadbirlarni  bajarish 
yo’li bilan amalga oshiriladi. 
Kasb-hunar kollejlari, o’quvchilar va ish beruvchilar o’rtasidagi uch tomonlama 
shartnomalarni  tuzish,  qayta  tuzish  o’quvchilar  ta’lim  olishining  butun  davri 
jarayonida,  shuningdek,  oraliq  va  davlat  attestatsiyasi  yakunlari  bo’yicha  amalga 
oshirilishi  mumkin.  Bitiruvchilarni  ishga  joylashtirishga  ko’maklashish  oliy  ta’lim 
muassasalariga  kirgan,  mamlakat  tashqarisiga  chiqib  ketgan, mehnatga layoqatsizlik 
to’g’risida  tibbiy  xulosaga  ega  bo’lgan,  qonun  hujjatlarida  nazarda  tutilgan  boshqa 
uzrli sabablar bo’yicha kontingentni istisno etgan holda har bir kasb-hunar kolleji, har 
bir  tuman  va  shahar,  viloyatlar  bo’yicha  egallangan  kasb-hunarlar  bo’yicha  amalga 
oshiriladi.    Kasb-hunar  kollejlari  bitiruvchilarini  ishga  joylashtirish  to’g’risidagi 
axborot qonun hujjatlarida belgilangan muddatlarda o’rta maxsus, kasb-hunar ta’limi 
hududiy boshqarmalari tomonidan statistika, shuningdek, mahalliy davlat hokimiyati 
organlariga taqdim etiladi.