Вазирлиги М. Улуғбек номидаги Самарқанд Давлат Архитектура-қурилиш

а) Алоҳида-алоҳида (дифференциал) монтаж
. Бунда аввал устунлар, сўнг 
кран ости тўсинлари, том тўсинлари (фермалари) ва ёпма плиталари ўрнатилади. 
Бу усулда конструкцияларни ўрнатиш осонлашади, иш унуми ортади, сабаби 
ишчилар бир хил операцияларни юк кўтариш мосламаларини алмаштирмасдан 
бажаради, аммо монтаж ишлари якунланмагунча бошқа ишларни бошлашни 
имкони бўлмайди; 
б) Комплекс (мажмуали) усулда
, бир вақтда бинони бир қисми (блок) ёки 
ячейкаси монтаж қилинади, ҳар бир элемент лойиҳа бўйича ўрнатилиб, аниқ 
якунланган фазовий синч (каркас) ҳосил бўлади. Кўп ҳолларда бу усул самарали 
бўлади, чунки бинонинг монтаж қилинган қисмида бошқа ишларни бошлаш 
мумкин бўлиб, шу туфайли қурилиш муддатини анча қисқартириш имкони 
бўлади. 
в) Аралаш усул,
бу юқорида таъкидланган икки усулни қўшилганидир. Бу 
усулни моҳияти шундаки, устунларни ёки устунлар ва кран ости тўсинлар (кўп 
қаватли биноларда устун ва ригеллар) поток тарзида мустақил монтаж қилинади, 
сўнг иккинчи поток тарзида ферма ва том ёпмалари (ёки ригель ва қаватлараро 
ёпмалар) монтаж қилинади. 

---

Бу усулда шундай ҳам қилиш мумкин, яъни қурилиш конструкцияларини монтаж 
қилиш вақтида айрим технологик жиҳозларни ҳам монтаж қилиш имконияти 
пайдо бўлади. 
Кўп қаватли бинолар ячейка (блок) тарзида, қамров (захватка)лар ва поғона 
(ярус)лар бўйича монтаж қилинади. Ҳар бир ячейка алоҳида фазовий звено бўлиб, 
унга ёнидаги ячейкани элементлари бириктирилади. Устунларнинг баландлигига 
қараб, ярус бир ёки икки қаватли бўлиши мумкин. Элементларнинг массасига, 
бинонинг ўлчамларига ва бошқа параметрларга қараб монтаж кранлари бинонинг 
бир томонига, икки томонига ёки ўрта бўйлама ўқи бўйича орқага юриб монтаж 
қилиш ҳолатида жойлаштирилиши мумкин. 
Бунда кран билан қамралмаган зона «ўлик зона» бўлмаслиги керак. Шу билан 
биргаликда бино қурилишида бир неча кран ишлаётган бўлса ўзаро тўқнашиб 
кетмаслиги зарур. Ҳар бир секцияда йиғма элементлар кран бир жойда турганда 
қуйидаги тартибда узатилади. Қамровда олдин устунлар ва ригеллар ўрнатилади. 
Бу иш бинони ён фасади томонидан бошланиб, бутун эни бўйича бажарилади. 
Устун 
ва 
ригелларнинг 
вазияти 
текширилиб 
тўғриланади 
ва 
мустахкамланади.Сўнгра ташқи ён фасадни панеллари, зиналари, зина супалари, 
зина катагининг панеллари, вентиляция блоклари, санитар-техника кабиналари, 
ташқи девор ва пардеворларнинг панеллари монтаж қилинади.
Бир секция панеллари йиғилгандан ва қисман пайвандлангандан кейин кран 
навбатдаги бўлимга сурилиб, ёнма-ён секцияни монтаж қилиш бошланади. Бу 
вақтда ҳозир барпо этилган секцияда пайвандлаш ишлари ва чокларни беркитиш 
ишлари бажарилади. Биринчи ярусдаги ўрнатилган конструкциялар узил-кесил 
тўғрилангандан ва барча монтаж туташмалари пайвандлангандан сўнг, иккинчи 
ярусни монтаж қилиш мумкин. 
Биринчи қават устунлари пойдевор блокининг стаканига ёки ер тўла қаватининг 
устунининг устига ўрнатилади ва поналар ёрдамида ёки якка кондукторлар билан 
вақтинча махкамланади. Баландлиги 12 метрдан юқори бўлган устунлар 
устиворлигини сақлаш учун қўшимча тиргаклар ва тортқилар ишлатилади. 
Кейинги қаватларнинг устунларини монтаж қилишда кондукторлар гуруҳи 
ёрдамида тўртта ёки олтита устун маҳкамланиши мумкин.