Navoiy davlat pedagogika instituti tabiiy fanlar fakulteti geografiya o

O`quv topografik kartalar va ulardan foydalanish. 
Yuqorida  topografik  karta  to`g`risida  qisqacha  to`xtalib  o`tilgan  edi,  ya’ni 
uni  dalada  topografik  s’yomka  yordamida  vujudga  kelishi,  mazmuni  va 
xususiyatlari to`g`risida aytib o`tilgan edi. 
Endi  topografik  karta  va  uning  geografiyani  o`rganishdagi  roli  to`g`risida 
to`xtab o`tmoqchimiz. 
Topografik kartalar geografik kartalarning asosini tashkil qiladi. Tafsilotlar 
shartli  belgilar  asosida  generalizatsiya  qilinib  (saralanib,  umumiylashtirilib), 
asosiylari  qoldiriladi.  Demak,  masshtab  kichraygan  sari  tasvirlanayotgan 
ob’ektlar soni kamayadi, chunki tasvirlanayotgan maydon ham kichrayadi.  
Shu vaqtgacha o`rta maktablarda foydalanib kelinayotgan o`quv topografik 
kartalari 1:10 000, 1:25 000, 1:50 000 va 1:100 000 masshtablarda bo`lib asosan 
“SNOV”  nomi  bilan  yuritiladigan  Rossiya  landshaftini  tasvirlovchi  kartalardir. 
Unda  asosan  o`rmonlar,  o`rmon-dasht,  zonalari  tasvirlanib,  O`zbekiston 
Respublikasi hududining landshafti aks ettirilmagan. Shuning uchun O`zbekiston 
hududini  aks  ettiradigan  yirik  masshtabli  topografik  kartalar  yaratish  zaruriyati 
tug`ildi.  Bunday  o`quv  topografik  kartalarda  respublikamizning  o`ziga  xos 
landshaftlari, ya’ni tog` landshafti, tog`oldi adirlar lanshafti, yangi o`zlashtirilgan 
yerlar,  eskitdan  o`zlashtirilib  kelinayotgan  yerlar,  cho`l  va  qum  landshaftlari 
hamda aholisi zich bo`lgan hududlar aks ettirilgan bo`lishi kerak. 
Bunday  yirik  masshtabli  topografik  kartalar  faqat  maktab  o`quvchilari 
uchungina  zarur  bo`lmasdan,  akademik-litseylar,  kasb-hunar  kollejlari,  harbiy 
o`quv  yurtlari  uchun  ham  juda  zarur.  Chunki,  yirik  masshtabli  topografik 
kartalarda  yer  yuzasining  haqiqiy  landshaftini  o`quvchilarga  tushuntirish  oson 
bo`ladi.