H. A. Jamolxonov

   40-§.Qorishiq "TS"(“Ц”) undoshi tavsifi. 
"ts"  fonemasi
  -  til  oldi-alveolar,  qorishiq-portlovchi,  jarangsiz,  shovqinli 
undosh. Bu fonema faqat ruscha leksik o’zlashmalarda qo’llanadi. Dastlab "ts" o’rnida 
"ch" va "s" tovushlari ishlatilgan: Царизм
>Chorizm, цирк>sirk
  kabi. Keyingi 50-60 
yil  davomida  o’zbek-rus  ikki  tilliligining  shakllanishi  va  mustahkamlanishi  tufayli 
ko’pchilik  o’zbek  ziyolilarida  "ts"  ning  ruscha  artikulyatsiya  bazasi  (talaffuz 
ko’nikmasi)  ham  shakllangan: 
konstitutsiya,  aviatsiya,  evolutsiya,  inflatsiya,  litsey 
 
kabi so’zlarning o’zbeklar nutqidagi qo’llanishi shundan dalolat beradi, ammo o’zbek 
tilida "ts" bilan qo’llanadigan birorta so’zga qarama-qarshi qo’yish  mumkin bo’lgan 
boshqa so’zning (kvaziomonimning) yo’qligi bu fonemaning o’zbek tilidagi fonologik 
funksiyasini munozarali qilib qo’ymoqda.