Microsoft Word лотинча девиант хулқ-атвор психологияси rtf

Xarakter aksentuatsiyasi – me’yorning eng keskin varianti bo‘lib, 
unda xarakterning alohida xislatlari ustunlik qiladi.    
  Ruhiy-ijtimoiy dezadaptatsiyaning muvaqqat beqaror shakllariga, 
avvalambor,  o‘smirlik  yoshidagi  rivojlanishning  tanglik  davrlari  va 
tangligining ruhiy-fiziologik xususiyatlarini kiritish mumkin. Ma’lum-
ki,  shaxs  o‘smirlik  yoshida  suyak-mushak  va  yurak-tomir  tizimi 
jadallashgan    va  notekis  rivojlanayotgan,  jinsiy  yetilish  bilan  birga 
sodir bo‘ladigan «endokrin bo‘ron»  bilan tavsiflanuvchi global ruhiy-
fiziologik  va  ruhiy-ijtimoiy  yoshga  bog‘liq  tanglikni  boshdan kechira-
di.  Hayotining  bu  davrida  o‘smir  jinsiy  masalalarga  kuchli  qiziqishini 
namoyon  qiladi,  tengdoshlari  bilan  muloqot  qilishga  va  o‘z 
shaxsiyatining  ahamiyatini  ko‘rsatishga  intiladi.  Unda  o‘zini  o‘zi 
baholash  va  o‘zini  anglash  faol  shakllanadi,  u  kattalardan  ajralib 
turishga  harakat  qiladi,  ular  bilan  ziddiyatga  boradi.  Buning  oqibatida 
ham atrofdagilar uchun, ham o‘smirning o‘zi uchun o‘ta qiyin bo‘lgan 
o‘smirlik dezadaptatsiyasining vaqtinchalik ko‘rinishlariga olib keladi. 
Ruhiy-ijtimoiy dezadaptatsiyaning muvaqqat shakllari, shuningdek 
maktabdagi, uydagi, tengdoshlar bilan yuz bergan ziddiyatli vaziyatlar, 
ilk  muhabbat  tashvishlari  va  hokazolar  oqibatida  vujudga  kelishi 

---

 
15 
mumkin.  Atrofdagilarning  shakllangan  talablariga  yoki  shakllangan 
shaxsiy  idealga  mos  kelish  imkoniyati  yo‘qligi  affektiv      asabiy 
tashvishlarga  va  hatto  yosh  uchun  xos  bo‘lgan  ruhiy-somatik  paro-
kandalikka, masalan, anoreksiya yoki bulimiyaga olib kelishi mumkin.