Истайсизми? Болтабоева Гузал Равшановна

Бола 5 ойлик бўлганда 
Бола 5 ойлик бўлганда унинг учун 5 марталик овқатланиш режимини 
ўрнатиш мумкин. Бунда овқатланиш орасидаги танаффуслар 4 соат бўлади: 
6:00, 10:00, 14:00, 18:00, 22:00. Беш ойдан бошлаб, болага кунига бир марта 
каша берилади. Гречкали, гуручли ва овсяной бўтқалар оқсилга, 
аминокислоталарга ва минерал тузларга бой бўлади. Манний бўтқани эса 
болага камроқ берган маъқул, чунки унда углеводлар кўп бўлиб, бола 
ортиқча вазнли бўлиб қолади. Манний бўтқасини хафтасига бир марта бериш 
тавсия этилади.

---

Болтабоева Г.Р., Умарова Н. А. 
18 
Бўтқаларни суюқ холда тайёрлаган мақсадга мувофиқ. Бунинг учун 
бўтқа ингридиентларининг унидан фойдаланиш мумкин. Агар бу 
махсулотларнинг унлари бўлмаса, ун олишни (масалан, гуруч, овсянка ва 
гречканикини) майдалагичда (кофемолкада) ҳам бажариш мумкин. Агар 
бундай имконият бўлмаса, тайёр бўлган бўтқани қирғич ёки элакдан ўтказиш 
ҳам мумкин. Бўтқа тайёрлаш учун 100 грамм суюқликка (сув, сут ёки сув 
билан сут) 1 чой қошиқ крупа ёки крупа уни хамда чорак қошиқ шакар керак 
бўлади.
Худди шу даврда болани киселга ҳам ўргатиш мумкин. Киселни соки 
чиқариб олинган меваларнинг танларидан крахмал қўшиб пиширилади. 
Киселлар элакдан ўтказилиб, устидан бироз янги тайёрланган сок қуйилади. 
Бундай усул ёрдамида пиширилган киселда кўпроқ витаминлар бўлишига 
эришилади.
Бола 6 ойлик бўлганда 
Бола 6 ойлик бўлганида унга гўшт шўрвалари (бульонлари) беришни 
ҳам бошлаш мумкин. Бундай бульонни ёғсиз мол гўштидан таёйрланилади. 
Гўштни хеч қандай зираворлар қўшмасдан, бироз туз қўшган холда сувда 
пиширилади. Тайёр бульонни болага 1 чой қошиқдан бериш бошланиб, 
унинг етти ойлигига бориб 2 ош қошиққа етказилади (тахминан 60 грамм). 
Эсингизда турсин, товуқ шўрваси (бульони), айниқса унинг ёғлиси, болаларда 
диатез пайдо қилиши мумкин.