Вазирлиги ўзбекистон республикаси қишлоқ ва сув хўжалиги

Адабиётлар: 
1. В.С.Сысоев. Приусадебное кролиководство. Москва 1990. 
2. С.П.Бондаренко. Содержание кроликов пуховых пород. Москва 2002. 
3. А.Н.Шабанов. Кролиководство разведение и уход. Москва 2010. 
4. А.К.Турдиев, Д.А.Абдумуродова. Кўп тармоқли фермер хўжаликларида қуёнчиликни 
ривожлантириш. Илмий-амалий тавсиянома. Тошкент 2014. 
269

---

КЕЧКИ САБЗИ ЭКИЛГАН ДАЛАЛАРДАГИ БЕГОНА ЎТЛАР 
 
Х.А.Ахмедов, А.М.Исламов, Ш.Э.Абдурасулов 
ТошДАУ 
 
 
Кириш. Сабзовотчиликда маданий экинлардан мўл xосил етиштиришга касаллик ва 
зараркунандалар билан бир қаторда бегона ўтлар ҳам катта тўсқинлик қилади. Сабзовот 
экинларнинг уруғлари майда бўлганлиги сабабли улар дастлаб нозик майсалар xосил қилади . Шу 
вақтда айрим бегона ўтларнинг майсалари улардан олдинроқ униб чиқади, баъзилари эса баробар 
униб чиқиб, маданий ўсимликлар майсаларига нисбатан тезроқ ўсади ва ривожланади. 
Айниқса кўп йиллик бегона ўтлар сабзовот экинларига катта зарар келтиради. Уларнинг илдиз 
пояларибўлганлиги сабабли, ўтоқ қилиш вақтида кўплаб маданий экинларнинг майсаларини нобуд 
бўлишига олиб келади.
Бегона ўтлар кенг тарқалган далаларда маданий ўсимликларнинг хосилдорлиги сабзавот 
экинларида 10,0% га , дон дуккаклиларда 13,4% га картошкада 6,5 % га ғаллазорларда 10,6 % га 
пасайишига сабаб бўлиши аниқланган. ( В.В.Никитин, 1983).
Тадқиқот олиб бориш усули. Илмий тадқиқот ишлари А.И.Мальцев (1962) ва Б.Г. Алеев, А.Ж. 
Жўрақулов, Х.А. Ахмедов ва А.М. Мирзаевларнинг (1981) таклиф қилган услублари асосида олиб 
борилди. Бунинг учун кечки сабзи, экилган далаларнинг диагонали бўйлаб юриб бир неча нуқтадан, 
шу майдонларда учраган бегона ўт турларидан гербарий йиғилди ва уларнинг ботаник номлари 
аниқланди. Бегона ўтлар сонини аниқлаш учун эса, ўрганаётган далалардан 1 м
2
дан тўрт 
такорланишда майдончалар ажратиб олинди ва шу майдончаларнинг ичидаги бегона ўтларнинг 
турлари таркиби ва сони санаб аниқланди.