Mikrobiologiya va immunologiya

Davosi  va  profilaktikasi.  Bu  kasallikni  davosida  aktinolizatlar,  6-8  ta 
shtammlardan  tayyorlangan  polivalent  vaksina  qo‘llaniladi.  Antibiotiklar, 
sulfanilamid preparatlar va yod preparatlari beriladi.  
 
Kasallikni  oldini  olish  uchun  shaxsiy  gigienaga  qat’iy  rioya  qilish,  teri  va 
shilliq  qavatlarni  turli  jarohatlardan  asrash,  tomoq,  og‘iz  bo‘shlig‘i,  tishlarni 
kasallanishdan saqlash kerak. Bu kasallikka qarshi maxsus profilaktika yo‘q. 
 
 
 
 

---

67 
 
 
Mavzu bo‘yicha vaziyatga xos masalalar 
1-masala.  O‘rta  maktab  sinflaridan  birida  10  ta  o‘quvchiga  Mantu  sinamasi 
qo‘yildi.  Quyidagi  natijalar  olindi:  7  ta  o‘quvchida  papula  diametri  6-7  mm,  bitta 
o‘quvchida 15 mm, 2 ta o‘quvchida sinama qo‘yilgan joyda sanchish izi qolgan. 
1.  Dastlabki  7  o‘quvchidagi  natijani  qanday  baholaysiz?  Sizning          keyingi 
harakatingiz? 
2.  Papulasining  diametri  15  mm  bo‘lgan  o‘quvchidagi  natijani          qanday 
baholaysiz? Sizning harakatingiz? 
3. Keyingi 2 o‘quvchidagi natijani qanday baholaysiz? Sizning harakatingiz? 
2-masala.  Dengiz  cho‘chqasiga  silga  shubha  qilingan  bemor  balg‘amini 
yuborishdan  2  kun  avval  tuberkulin  sinamasi  qo‘yildi  va  ineksiya  joyida 
giperemiya  va  infiltrat  paydo  bo‘ldi.  Bu  dengiz  cho‘chqasini  biosinama  qo‘yish 
uchun ishlatish mumkin emas deb xulosa qilindi. 
Nima uchun? Tushuntirib bering. 
3-masala. Laboratoriyaga o‘pka siliga taxmin qilingan bemor balg‘ami keltirildi. 
1. Qo‘zg‘atuvchini aniqlash uchun, siz qanday usullarni qo‘llaysiz? 
2. Surtmani bo‘yash uchun qanday usul qo‘llaysiz? Nima uchun? 
4-masala.  Shifokorga  o‘rta  maktabda  silga  qarshi  revaksinatsiya  qilishni 
tashkillashtirish topshirilgan. 
1. Maxsus oldini olish uchun qanday vaksinani ishlatish kerak? 
2. Vaksinatsiyani qaysi kontingent kishilarga qilishi lozim bo‘ladi? 
3.  Vaksinatsiyani  ta’sirini  baholash  va  revaksinatsiyaga  lozim  bo‘lgan  kishilarni 
ajratish uchun, qanday testlardan foydalaniladi?