Mikrobiologiya va immunologiya

Kasallikning  odamlardagi  patogenezi.  Ko‘kyo‘tal  bilan  asosan  bolalar 
kasallanadi.  Kasallik  manbai  faqat  bemor  yoki  mikrob  tashuvchi  odam 
hisoblanadi.  Ko‘kyo‘tal    bakteriyasi  bemordan  4-6  xafta  davomida  ajralib  turadi. 
Kasal  bola  yo‘talganda,  aksirganda    havoga  tarqalgan  mayda  balg‘am  va  shilliq 
tomchilaridagi  ko‘kyo‘tal  tayoqchasi  sog‘lom  bolaning  nafas  yo‘llari  orqali 
organizmga  kiradi  (infeksiyaning  xavo-tomchi  yo‘li  bilan  yuqishi).  Kasallik 
ko‘pincha 5 yoshgacha bo‘lgan bolalarda uchraydi. 
Kasallikning 4 davri ajratiladi:   
1)  Yashirin davri – 1,5-2 xafta,  
2)  Kataral davri-1,5-2 xafta; 
3)  Bo‘g‘ilib yo‘talish, ya’ni kasallikning zo‘raygan davri-4-8 xafta; 

---

50 
 
4)  sog‘ayish davri-2-4 xafta. 
 
Nafas  yo‘li orqali tushgan kasallik bakteriyalari shu joyda ko‘payadi  va toksin 
ajratadi.  Bu  endotoksin  tomoq,  bronx  shilliq  qavatlarini  qitiqlashi  tufayli  yo‘tal 
tutadi.  Adashgan  nerv  retseptorlari  (tolalari)  uzoq  vaqt  qitiqlanishi  natijasida 
uzunchoq  miyaga  doimiy  ravishda  impuls  kelib  turadi.  Bu  esa  o‘z  navbatda 
uzunchoq  miyada  turg‘un,  kuchli  qo‘zg‘alish  o‘chog‘ining  paydo  bo‘lishiga, 
boshqa    retseptorlardagi  nospetsifik  qitiqlanishlarning  kuchli  o‘choqqa  aylanib, 
yo‘tal  xurujining  otishi  va  kuchayishiga  olib  keladi.  Yo‘tal  shartsiz  refleks 
xolatidan kasallik rivojlangan sari shartli refleksga aylanib qoladi. 
 
Immuniteti.  Ko‘kyo‘tal  bir  umrga  immunitet  qoldiradi.  Bemorning  qonida 
agglyutinin, pretsipitin, komplementni biriktiruvchi antitelolar paydo bo‘ladi.