o‘zingiz foydalanishni xohlagan narsani yarating. Bu esa sizga haqiqatdan ham
yaqin bo‘lgan muammolarni hal etishga yordam beradi va siz qilayotgan ish qay
darajada qimmatga ega yoki yo‘qligini darhol tushunasiz.
Biz 37 signalsda o‘z biznesimizni yuritish uchun zarur bo‘lgan mahsulotlarni
yaratamiz. Masalan, bizga kim bilan muloqot qilayotganimiz, gap nima haqida
ketayotgani kuzatish va kerak bo‘lganda mijoz qayta bog‘lanishni o‘rganishning
zarurati bo‘ldi. Shu sabab biz Highrise, bizning kontakt-menedjerimizni yaratdik.
Bizga fokus-jamoalar, marketing tadqiqotlari va vositachilarning keragi bo‘lmadi.
Boshqacha qilib aytganda, biz o‘zimizning qichishgan joyimizni qashladik.
Biror mahsulot yoki xizmat yaratish jarayonida har kuni siz yuzlab mayda
qarorlar qabul qilishingizga to‘g‘ri keladi. Boshqalarning muammolarini hal etishda,
siz huddi doim qorong‘uda ketayotgandek bo‘lasiz. O‘zingizning muammoingiz
ustida ishlaganingizda esa yorug‘likni ko‘rasiz, chunki siz qaysi javob to‘g‘ri
ekanligini yaxshi bilasiz.
Kashfiyotchi Djim Dayson “o‘z muammosini hal etdi”.
Uyni tozalayotib, u qopchiqli changyutgichining so‘rib olish kuchining doimiy
ravishda kamayib borishini sezdi – changyutgich changlarni so‘rib borishi bilan
undagi qopcha to‘lib borib, havoni o‘tkazishga halaqit beradi. bu birovning
tasavvuridagi muammo emas, uning o‘zi duch kelgan muammo edi. U buni hal
etishga qaror qildi va bir qancha vaqtdan so‘ng dunyodagi birinchi uyurma
changyutgichni o‘ylab topdi.
Boston simfonik orkestrida baraban chaluvchi Vik Fert yanayam mukammal
bo‘lgan baraban tayoqchalarini yaratish g‘oyasini taklif qildi. Sotuvda bo‘lgan
tayoqchalar uni qoniqtirmagani uchun u o‘z uyining podvalida ularni yasashni va
keyinchalik sotishni boshladi. Bir kuni u tayyor tayoqchalar bog‘lamini polga
tushirib yubordi va tayoqchalar polga tushganda ularning har biridan butunlay har
xil ovoz chiqqanini eshitib qoldi. Shu vaqtdan boshlab u tayoqchalarni bir-biriga
moslab tera boshladi, ularni namlik darajasi, og‘irligi, pishiqligi va ovoz chiqarishiga
qarab bir-biriga moslab ajratdi. Natijada esa uning mahsuloti “mukammal juftlik”
paydo bo‘ldi. Bugungi kunda uning kompaniyasi kuniga 85 mingga yaqin baraban
tayoqchalarini ishlab chiqarmoqda va bozorda 60%dan yuqori darajada egallagan.
Yengilatletiklarning murabbiysi Bill Bauerman, o‘z jamoasidagilarga
mukammal yugurish krossovkalar kerak deb hisobladi. U o‘zining ustaxonasiga
borib, oilasiga tegishli vafli pechiga kauchukni soldi
3
. Shu tariqa Nike firmasining
mashhur “vaflili taglik”i paydo bo‘ldi.
Bu odamlar “o‘zlarining qichishgan joylarini qashlashdi”, ya’ni ular o‘zlari
uchun zarur bo‘lgan ishni bajarishdi va huddi o‘zlariga o‘xshab, aynan shu narsaga
zarurati bor bo‘lgan odamlardan iborat katta auditoriyani ochishdi. Siz ham shunday
qiling.
3
Бошқа версияда унинг хотини тасодифан вафли печида резина бўлагини қисиб олади ва бу беихтиёр
бўлган тажриба Биллда янги эргономик таглик ғояси пайдо бўлишига сабаб бўлади.
Siz bevosita o‘zingizga kerak bo‘lgan narsani yaratish bilan siz bu yaratilgan
narsaning sifatini tez baholay olasiz va bunda sizga boshqa birovning yordami kerak
bo‘lmaydi.
Mary Kay Cosmeticsning asoschisi Meri Key o‘zining kosmetikasi qanchalik
yaxshi ekanligini biladi, chunki u o‘zii aynan shundan foydalangan
4
. Qachondir u
mahalliy kosmetologga borardi, u kosmetolog uy sharoitida kosmetik vosita
tayyorlab, mijozlariga, tanishlari va do‘stlariga sotardi. Kosmetolog hayotdan ko‘z
yumganida, Meri Key uning oilasidan bu vositaning tayyorlanish formulasini sotib
oldi. Unga bu mahsulot qanchalik yaxshi ekanini tushunish uchun hech qanday fokus
jamoa, yoki tadqiqot kerak bo‘lmadi. U shunchaki o‘z terisiga qarasa kifoya edi.
Eng yaxshisi “o‘z shaxsiy muammongizni hal qiling”, bu sizga qilayotgan
ishingizni yaxshi ko‘rishingizga yordam beradi. siz bevosita o‘z muammongiz va
uni hal qilish qanchalik ahamiyatga egaligini bilasiz. Bu betakror bilim. Oxir oqibat
natijaga erishish uchun eng ijobiy hisobda bir necha yil ishlashingizga to‘g‘ri keladi.
Ehtimol, balki butun umr. Va sizni haqiqatdan qiziqtirayotgan narsa bilan
shug‘ullanish yomon bo‘lmaydi.
Do'stlaringiz bilan baham: 
